«Биыл екі облыста – Ақмола облысында және Жамбыл облысының кейбір аудандарында адамдар сібір жарасын жұқтырған. 32 расталған жағдай бар. Адамдар үй жануарларын сою кезінде жұқтырған. Барлық науқастар дереу медицина қызметкерлерінің бақылауына алынып, жұқпалы аурулар ауруханаларында емделіп жатыр. Ауыр жағдайлар болды, бірақ өлім болған жоқ», — деді Гиният.
Министр барлық жағдай малға вакцина егілмеген жеке шаруашылықтарда тіркелгенін атап өтті. Ол сібір жарасының аса қауіпті инфекция екенін, бірақ ол адамнан адамға берілмейтінін еске салды.
