Жамбыл облысының әкімі Нұржан Нұржігітов азаматтарды жеке сұрақтары бойынша қабылдау өткізді.
Қабылдауға жазылғандар түрлі мәселелер көтерді. Олардың қатарында тұрғын үй, жер, абаттандыруға қатысты мәселелер болды. Сондай-ақ, ауқымды өнер шараларын өткізу, Тараз қаласында драма театрының жаңа ғимаратын салу, Қазақстанның Мемлекеттік туының авторы Шәкен Ниязбековтің есімін мектепке беру секілді ұсыныстар да айтылды.
Азаматтарды мұқият тыңдаған облыс әкімі барлық мәселелер назарға алынып, заң аясында реттелетінін, қарастырылатынын жеткізді. Бірқатар өтініштер бойынша жан-жақты қарастыру жұмыстарын жүргізу үшін Тараз қаласы, Жамбыл ауданы және тиісті басқарма басшыларына нақты тапсырмалар жүктеді.
Дереккөз—Жамбыл облысы әкімінің баспасөз қызметі
