2020 жылғы 8 желтоқсанда сот ағымдағы жылдың ақпан айында Қордай ауданында орын алған жаппай тәртіпсіздік фактілері бойынша қылмыстық іс бойынша басты сот талқылауын бастады.
Сотталушылардың жеке бастарына қатысты мәліметтер, әрбір сотталушыға тағылған айып бойынша ұстанымы анықталды.
Жаппай тәртіпсіздікке байланысты эпизод қаралды, сондай-ақ жәбірленуші М.Дываның мүлкін ұрлау фактісі бойынша эпизоды қарау басталды.
Осы эпизодтар бойынша сотталушылар кінәсін толық мойындап, жауап берді.
Сот тарапынан процеске қатысушылардың аудармашылармен қамтамасыз ету, сотталушылардың туыстарын қосымша қорғаушы ретінде тану туралы өтініштері қаралды.
Сот талқылауы жалғасуда, дәлелдемелерді зерттеу жүріп жатыр.
Сот отырысы сотталушылар мен бұқаралық ақпарат құралдары өкілдерінің қатысуымен ашық форматта өтуде. Сот процесінің ашықтығы, сот қорғауына қолжетімділік және процеске қатысушылардың жарыспалылыққа құқықтарын іске асыруы қамтамасыз етілді.
Сотталушылардың туыстары үшін жеке залдар, ал БАҚ өкілдері үшін №2 қалалық сот ғимаратында процесс тікелей трансляцияланатын зал жабдықталған.
Сот процестері 11 желтоқсанға дейін жалғасады, ағымдағы жылдың 14-20 желтоқсаны аралығында үзіліс жариялау жоспарлануда.
Жамбыл облыстық сотының баспасөз қызметі
