Бүгін Өңірлік коммуникациялар қызметінде «Қазақстанның іскер әйелдер ассоциациясы жастар қанатын құру — бұл қазіргі заман сұранысы » тақырыбында баспасөз-конференция өтті. Жиынға Іскер әйелдер Қауымдастығының төрайымы Нұрымова Гульдара Алданышқызы,
Іскер әйелдер Қауымдастығының атқарушы директоры Тоғызбаева Күлімхан Майлыбекқызы, «Жас Қанаттар» іскер әйелдер Қауымдастығы төрағасы Естай Әсел Берікқызы қатысып тақырып аясында ой өрбітті.
Спикердің сөзіне сүйенсек, Қазақстанның Іскер Әйелдер Қауымдастығы – бұл қызығушылық бойынша бірлестік. Өмірді жақсы жағына өзгертуге, өз жобаларын, бастамаларын іске асыруда дербес, мықты, өмірге құштар әйелдер біріккен. Пайдалы болу қажеттілігі, оқуға, араласуға, тәжірибемен бөлісуге деген құштарлығы – бұл әйелдерге тән қасиет. Бұл олардың түсіне, ұлтына, әлеуметтік жағдайына қарамастан бұл әлемнің барлық әйелдеріне тән сезім.
Іскер әйелдер қауымдастығы көптеген іс-шаралар ұйымдастырады. Әр өткізілген шарада рухани сезім байқалады.
Жамбыл облысы іскер әйелдер қауымдастығының басты жобларының бірі – әйел-саясаткерлер клубын құру болып табылады. Клуб құрамына, оның ішінде мемлекеттік құрылымның басшылары, орындаушы билік, бизнес, ҮЕҰ, БАҚ және саяси партиялардағы 20-25 жастан аспайтын әйел көшбасшылары кіреді.
Осындай жобалардың бірі болып ҚР Тәуелсіздігінің 25 жылдығына орай өткізілген «25 игі істер» жобасы болып табылады. Аталған жобаның мақсаты – мүмкіндігі шектеулі балаларға қуаныш, мереке сыйлау, құрдастарымен қатынасу, хабарламалармен алмасу. Жоба аясында Ассоциация мүшелері қайырымдылық аспен мерекелік концерт өткізді.
Сонымен қатар жыл сайын балаларды қорғау күніне орай «Жақсының барлығы — балаларға» атты қайырымдылық жәрмеңкесі өткізіліп тұрады. Акция аясында – Тілектер орындалады, жылдан-жылға сырлы тілектері орындалған балалардың саны көбеюде.
Жамбыл облысының іскер әйелдер қауымдастығы республика көлемінде алғашқы болып өңірдің 10 ауданында өздерінің өкілеттіктерін ашқан.
2012 жылы Астана қаласында өткен үшінші Евразиялық әйелдер саммитінде Қазақстан бойынша 16 өңірлер ішінде Жамбыл облысы «Жылдың ең үздік филиалы» номинациясы бойынша І орынға ие болды.
30-31 тамызда Астана қаласында «Әйелдер кәсіпкерлігін дамытудағы жаңа мүмкіндіктер» тақырыбында Халықаралық Бизнес Конференциясы өтті.
Бағыттары: Менторинг, Agile технологиясының құралдары және т.б.
Бизнес конференцияға Қазақстанның барлық өңірлерінен 350 іскер әйелдер қатысты.
Жамбыл облысының іскер әйелдер қауымдастығынан 16 делегат қатысты, олардың 3 – «Жас қанаттар» өкілдері (іскер әйелдер қауымдастығының жастар қанаттары).
Бизнес конференцияның басты мақсатының бірі «Жас Қанаттар» ІӘҚЖҚ жаңа құрылымының Тұсаукесері болып табылды.
«Жас Қанаттардың» төрайымы — Жамбыл облысында әйелдер кәсіпкерлігін дамыту үшін жас әйел кәсіпкерлерді біріктіріп отырған Естай Әсел
Бүгінгі күнге ІӘҚЖҚ мүшелігін саламатты өмір салтын ұстанатын, өздерінің бизнесінде үлкен жеңістерді көздейтін 10 –нан аса жас кәсіпкерлер құрайды,- деп баяндады Әсел Берікқызы.
Сонымен қатар, жиын барысында Жамбыл облысының «Жас Қанаттардың» іскер әйелдер қауымдастығының мүшелері Оралова Сабина, Мусабекова Анел, Карибаева Айжан, Сапарбекова Айгерим жетістікке жету жолдарын айтып БАҚ өкілдерінің сұрақтарына жауап берді
