Исі мұсылманның ұлық мерекесі қасиетті Құрбан айт қуаныш пен шаттыққа толы болып, берекелі өтті. 20-22 шілде аралығында өткен мереке – Құрбан айт күндері Qurban2021.kz сайты арқылы толықтай онлайн және кей өңірлерде жартылай дәстүрлі форматта құрбан шалынды.
Жамбыл облысы бойынша ұлтты ұйыстырған мерекеде 3313 қой, 125 ешкі, 392 ірі қара, 3 түйе құрбандыққа шалынып, 22 290 мұқтаж отбасығаларға ет жеткізілді.
ҚМДБ-ның Жамбыл облысы бойынша бас имамы Бейбіт Мырзагелдиевтың айтуынша, шараға 284 ерікті, 19 қасапхана, 58 қасапшы, 119 көлік жұмылдырылып, 3 күн бойы тынбай қызмет етті.
Ақерке БЕКҚҰЛОВА
«Һибатулла Тарази» мешітінің баспасөз қызметі
