Биыл мектеп бітіргендеріне 20 жыл толған Көптерек ауылдық округіне қарасты Кеңес ауылының 1984 жылы туған азаматтары бұл бастаманы іліп əкетіп, елді мекендегі тұрмыс жағдайы төмен Қайрат Каленовтің отбасына үй салып берді.
Кеңестік тұрғындардың қуанышына ортақтасқан аудан әкімінің орынбасары Дәуір Дәулетов өз құттықтауында «Асарлатып үй салу» жобасының мәні мен мазмұнына тоқтала келіп, аталмыш игі істің ел ішінде қайта жанданып, мұқтаж кісілерге, жетім мен жесірге, аз қамтылған, тұрмыс жағдайы төмен
отбасыларға шарапаты тие бастағаны – елдігіміздің белгісі екеніне тоқталды. Ауыл азаматтарының бұл ісіне Дәуір Дәулетов аудан басшылығы атынан ризашылығын жеткізіп, аудан әкімінің Алғыс хатын тапсырды.
Қатарынан екінші жыл осындай қайырымы мол, игі істі жалғастырып келе жатқан Кеңес ауылы жастарының бастамасы өзгелерге үлгі боларлықтай.
