Басқарма басшысы Ерлан Нұрманұлы театрға арнайы барып, өнер ордасының жаңа директорын ресми түрде таныстырып, алдағы шығармашылық және ұйымдастырушылық жұмыстарына сәттілік тіледі.
Жуасбеков Ербол Тілеуқұлұлы
1974 жылы Жамбыл облысында дүниеге келген.
Білімі:
– Т. Жүргенов атындағы Қазақ ұлттық өнер академиясы, «Театр және кино актері» мамандығы;
– Абай атындағы Қазақ ұлттық педагогикалық университеті, «Филология» мамандығы;
– «Драма театры режиссурасы» мамандығы бойынша магистр.
Еңбек жолы:
– 1996–2005 жж. — Торғай және Жамбыл облыстық театрларының, сондай-ақ Ғ. Мұстафин атындағы жасөспірімдер мен балаларға арналған академиялық театрдың актері;
– 2005–2012 жж. — «НТК» телеарнасында дубляж редакторы, «Қазақстан» және «ОРТ Евразия» телеарналарында бас редактор;
– 2012–2025 жж. — Семей қалалық Абай атындағы драма театрының бас режиссері, директордың орынбасары;
– 2013–2025 жж. — КМКҚ «Мұқан Төлебаев атындағы музыкалық колледжінде» «Актер шеберлігі» пәнінің оқытушысы.
Жалпы еңбек өтілі: 28 жыл
Педагогикалық өтілі: 12 жыл
Мамандық бойынша еңбек өтілі: 22 жыл
