«Қоғамдық бақылау картасы» жобасы аясында Қазақстан Республикасы Мемлекеттік қызмет істері және сыбайлас жемқорлыққа қарсы іс – қимыл агенттігінің Жамбыл облысы бойынша департаментінің «СаІІ-орталығы» нөміріне ағымдағы жылдың 21 маусымында келіп түскен тұрмыстық сыбайлас жемқорлық құқықбұзушылық жөніндегі хабарлама негізінде, Қордай ауданы Степное ауылдық округі әкімі аппараты қызметіндегі сыбайлас жемқорлық тәуекелдеріне талдау жүргізілді.
Талдау барысында, ауылдық округ әкімі аппаратының 5 қызметкерінің (статист, іс-жүргізуші, еден жуушы, күзетші) жеке істерінде, 2018 жылы 04 мен 10 сәуірінде берілген 086/у нысандағы медициналық анықтамалар жалған екендігі және осы қызметкерлер Қордай аудандық ауруханасында медициналық тексеруден өтпегендігі анықталды.
Осы фактілер бойынша материалдар Қордай аудандық ішкі істер бөліміне қарау үшін жолданды.
Қазақстан Республикасы Мемлекеттік қызмет істері және сыбайлас жемқорлыққа қарсы іс – қимыл агенттігінің Жамбыл облысы бойынша департаменті