Жаңаарық ауылы жаңарып келеді
Жаңаарық ауылдық округіне Ұзақбай Сыздықбайұлы мен Ақтоғай ауылдары қарайды. Мұндағы халық саны – 1 780 адам, 292 тұрғын үй бар. Ауылдық округ бойынша 2 орта мектеп, 1 балабақша, 1 балалар шағын орталығы, 2 кітапхана, 2 медпункт, 2 клуб үйі, 1 балалар өнер мектебі, 2 мешіт, 2 балалар ойын алаңы, 1 шағын футбол алаңы, 3 саябақ, 2 Ұлы Отан соғысының ардагерлеріне арналып салынған монумент пен ескерткіш тақта бар. Ауылда қазіргі таңда 23750 бас ұсақ мал, 567 бас жылқы, 1010 бас мүйізді ірі қара малды көре аласыздар. 27 шаруа қожалығы тіркелген, оның ішінде 14 шаруа қожалығы мал шаруашылығымен айналысады. Шаруа қожалықтары 185 адамды тұрақты жұмыс орнымен қамтамасыз етіп отыр. Бүгінде 4 шаруа қожалығы бірігіп, «Жастар» ауыл шаруашылығы өндірістік кооперативін құрды. «Белен» шаруа қожалығы «Алтын асық» бағдарламасымен 4 млн. 400 мың теңге несие алып қой малын өсіруге және «Жөкен қыстауы» шаруа қожалығы «Құлан» бағдарламасымен жылқы 3 млн. 300 мың теңге малын өсіруге несие алды. Мал басын асылдандырумен «Ақтоғай», «Белен», «Бірлік» және «Жастар» шаруа қожалықтары айналысады. «Жұмыспен қамту — 2020» бағдарламасымен соңғы жылдары 8 азамат несие алып мал басын өсіруде. «Ақтоғай», «Жаңаарық К» және «Жастар» шаруа қожалықтары 1 070 га жерге мақсары дақылдарын екті. Қазіргі уақытта 6 дана ауылшаруашылық техникалары (трактор) лизинг арқылы алынды. «Даулет» шаруа қожалығы мемлекеттің көмегі арқылы 4,0 млн теңгеге құдық қаздырып, осы соманың 3,2 млн . теңгесін мемлекет тарапынан қайтарып алды. «Диас» шаруа қожалығы жел арқылы электр қуатын беретін қондырғы орнатты. «Өңірлерді дамыту — 2020» бағдарламасымен 11,0 млн. теңгеге балалар футбол алаңы және 950,0 мың теңгеге балалар ойын алаңы, сонымен қатар, жергілікті бюджет есебінен 2 млн. 300 мың теңгеге жаяу жүргіншілер жолы салынды. Міне мұның бәрі Жаңаарық ауданының қазіргі келбетін айқындайды. Еліміздің болашағы осындай шағын ауылдар екенін ескерсек, Жаңаарық ауылы бұл үдеден толықтай шығып отыр.
Арайлы Жақсылық
