Іс-шараның мақсаты – тұрғындардың денсаулығын сақтау және нығайту.
Кездесуде жүкті әйелдерге дұрыс тамақтанудың маңызы түсіндіріліп, олардың денсаулығы мен баланың өсуі үшін қажетті азық-түлік таңдау туралы кеңестер берілді. Жүкті әйелдердің физикалық және психологиялық жағдайларының бірегейлігіне байланысты арнайы ұсыныстар айтылып, баланың дамуына қажетті микроэлементтер мен дәрумендер туралы ақпарат берілді.
Шараның арнайы қонағы ретінде Жамбыл облысы денсаулық сақтау басқармасының «Жан-нұр» жастар дамыту орталығының психологы Гүлзира Бекболатқызы Қалдыбаева сөз сөйледі. Өз сөзінде жүкті әйелдер үшін психологиялық қолдаудың маңызды екенін атап өтіп, дұрыс тамақтанудың тек физикалық тұрғыдан ғана емес, эмоционалды тұрақтылыққа да әсер ететінін айтты. Сонымен қатар, ол әйелдерге стресстен арылуға көмектесетін кеңестер мен жаттығуларды ұсынды.
Кездесу барысында жүкті әйелдер көптеген пайдалы ақпараттар мен практикалық кеңестер алды. Олардың арасында дұрыс тамақтану, денсаулықты сақтау және болашақ аналарға арналған психологиялық қолдау мәселелері бойынша қызықты сұрақтар қойып, жауап алды.
Бұл шара жергілікті жастар мен қоғам үшін өте маңызды, себебі ол азаматтардың денсаулығын жақсартуға бағытталған.
