Тараз қаласы № 2 сотында судья А.Е.Ділдабаевтың төрағалық етуімен ҚР ҚК-нің 24-бабының 3-бөлігі — 188-бабының 2-бөлігі «1,3» тармақтарымен / ұрлық/ айыпталып сотқа берілген Д-мен У-ға қатысты қылмыстық ісі қаралды.
Сотталушылар Д. мен У., 2017 жылдың ақпан айының 2-ші жұлдызында, сағат 14 шамасында, Тараз қаласы, Д.Шестакович пен Әл-Фараби көшелерінің қиылысында орналасқан «Алтын-адам» мейрамханасының ішіне, яғни қызметтік үй жайға заңсыз кіріп, жәбірленуші Б-ға тиесілі құны 25 000 теңге тұратын темір үстелді ұрлауға оқталған, алайда Д. оқиға орнында ұсталып, өзіне байланысты емес мән-жаймен қылмыстық ойын соңына дейін жеткізе алмаған, ал сотталушы У. іс жеке өндіріске бөлінген тұлғамен бірге қылмыстық ойларын соңына дейін жеткізіп, Б-ға тиесілі құны 25 000 теңге тұратын темір үстелді жасырын жымқырып, қылмыс болған жерден бой тасалаған.
Сотта, жәбірленуші Б-ның сотталушыларды кешіргеніне байланысты, олар өзара медиация тәртібімен татуласқандарын, сондықтан сотталушыларды қылмыстық жауаптылықтан босатуды сұрады.
Сотталушылар Д. мен У. оларға қатысты қылмыстық істі жақтар татуласуына байланысты медиация тәртібімен қысқартуды сұрады.
Тараз қаласы № 2 сотының 05.05.2017 жылғы қаулысымен ҚРҚК-нің 24-бабының 3-бөлігі — 188-бабының 2-бөлігі «1,3» тармақтарымен айыпталып, сотқа берілген – Д. және У. ҚР ҚК-нің 68-бабының 1-бөлігіне сай жәбірленушімен медиация тәртібімен татуласуына және келтірілген зиянды қалпына келтіргеніне байланысты — қылмыстық жауаптылықтан босатылып, оларға қатысты қылмыстық іс тоқтатылған.
Қаулы заңды күшіне 23.05.2017 жылы енген.
TURANINFO.KZ
