Тараз қаласы № 2 сотында судья Н.К.Жамашовтың төрағалық етуімен, ҚР ҚК-нің 188 бабының 1 бөлігімен/ұрлық, яғни бөтеннің мүлкін жасырын жымқыру фактісімен айыпталған Н-ға қатысты қылмыстық іс каралды.
Сотталушы Н. 17.05.2017 жылы сағат 14.00 шамасында Тараз қаласы, «Қарасу» мөлтек ауданы, №5 үйде тұратын танысы Ч-нің үйінде отырып екеуі спиртті ішімдік ішкен.
Бөлме ішінде болған сотталушы Н-да бөтеннің мүлкін жасырын ұрлау пиғылы туындаған. Сотталушы Н. қылмыстық ниетін жүзеге асыру мақсатында жәбірленуші Ч-ны сыртқа жұмсап жіберген. Бөлмедегі жәбірленуші Ч-ға тиесілі құны 120 000 /жүз жиырма мың/ теңге тұратын, қара түсті «Самсунг» маркалы теледидарды, есік алдында тұрған әр данасы 15 000 /он бес мың/ теңге тұратын алюмин кастрюльдерінің 2 данасын жасырын түрде жымқырып, жәбірленуші Ч-ға жалпы 150 000 /жүз елу мың/ теңгеге материалдық шығын келтіріп, оқиға орнынан бой тасалаған.
Алайда, басты сот талқылауында сотталушы Н.өзіне тағылған айыпты толық мойындап,Ч-ға «Самсунг» маркалы теледидарын қайтарып бергені; екі дана кастрюльді сатып алатын адам болмағандықтан лақтырып жібергені, бірақ, екі дана кастрюльдің құны 30 000 /отыз мың/ теңгені жақын туыстары арқылы толық ақшалай қайтарып бергені; жәбірленуші Ч-мен татуласқандары анықталды.
Тараз қаласы №2 сотының 27.07.2017 жылғы қаулысымен ҚР ҚК-нің 188 бабының 1 бөлігімен айыпталған сотталушы Н-ге ҚР ҚК-нің 68 бабының 1 бөлігі талабы қолданылып, ол жәбірленушімен татуласуы және қылмыспен келтірілген зиянның есесін толтыруына байланысты қылмыстық жауапкершіліктен босатылып, іс өндірістен қысқартылды.
Қаулы заңды күшіне енген жоқ.
TURANINFO.KZ
