Валюта күніне орай жаңа Ұлттық банк жаңа банктноталар шығарды

Номиналы 500 теңгелік жаңа банкнота:

Номиналы 1 000 теңгелік банкнота:

Номиналы 2 000 теңгелік банкнота:

Номиналы 5 000 теңгелік банкнота:

Номиналы 10 000 теңгелік банкнота:

Номиналы 20 000 теңгелік банкнота:

Ұлттық банктің баспасөз қызметінің мәліметінше, жаңа банкноталарда «Сақ стилі» элементтеріне негізделген және көшпенділердің бірегей мәдениетінен бастап бүгінгі Қазақстанға дейінгі ел мұрасы бейнеленген.

«Жаңа банкноталар сериясы дайын болған кезде айналымға енеді. Номиналы 5 000 теңгелік жаңа дизайн үлгісіндегі алғашқы банкноталар осы жылдың соңына дейін қолданысқа шығады».ҚР Ұлттық банкінің баспасөз қызметі

Халықаралық тәжірибеге сәйкес, банкноталардың дизайны жалған ақша жасауға жол бермеу және оның алдын алу үшін жетілдірілген қорғаныш қабілетін енгізу мақсатында кезең-кезеңімен жаңартылып отырады. Бұл орайда еліміздің мәдени құндылықтары мен тарихын насихаттау маңызды саналады.

«Жаңа банкноталар төлемнің барлық түрі бойынша Қазақстан Республикасының бүкіл аумағында номиналды құнына қарай қабылдауға жатады. Сондай-ақ, Қазақстан Республикасының барлық банкі арқылы банктік шоттарға аударуға, айырбастауға және ұсақталуға міндетті».ҚР Ұлттық банкінің баспасөз қызметі

Банк өкілдерінің айтуынша, жаңа дизайндағы банкноталар шығарылғаннан кейін алдыңғы үлгідегі банкноталар айналымнан біртіндеп алына бастайды.

«Ұлттық банк ескі және жаңа үлгідегі банкноталардың айналымда қатар жүру мерзімін 1 жыл деп белгілейді, ол қажет болған жағдайда ұзартылуы мүмкін. Айналымда параллель жүретін кезеңде ескі және жаңа банкноталар заңды төлем құралы болып қала береді және төлемдер мен аударым кезінде қабылдануға міндетті. Олар Ұлттық банктің, «Қазпошта» АҚ мен ЕДБ барлық филиалдарында шектеусіз мөлшерде айырбасталады және ұсақталады».ҚР Ұлттық банкінің баспасөз қызметі

Айналымда қатар жүру мерзімі аяқталған соң барлық банктер мен «Қазпошта» АҚ ескі үлгідегі банкноталарды жаңа үлгідегі банкноталарға – 3 жыл ішінде, ал Ұлттық банктің филиалдары – мерзімсіз айырбастай береді.

Банкноталардың айналымда параллель жүру мерзімі мен тәртібі туралы ақпарат қосымша жарияланады.