«Жамбыл облысы әкімдігінің ішкі саясат басқармасы» коммуналдық мемлекеттік мекемесі және «Жамбыл облысы жастар ұйымдарының Қауымдастығы» ЗТБ, Жамбыл облысы Полиция департаменті басшылығының нұсқауымен кәмелетке толмағандарға қатысты қылмыстар мен құқық бұзушылықтардың алдын алу бойынша түнгі рейдтік шаралар өткізілді. Іс-шараға облыстық Полиция департаменті басшы құрамы мен Жергілікті полиция қызметінің ювеналдық полиция қызметкерлері және қалалық білім беру органдары мен жастар бірлестіктері өкілдері қатыстырылды.
Облыстық Полиция департаменті бастығының бірінші орынбасары полиция подполковнигі Бауыржан Үдергенов рейд жұмыстары алдында кешкі саптық жиын өткізіп, іс-шараның мақсатымен таныстырды.
Рейд барысында қала мен облыс аудандары кафе-барларда, компьютерлік клубтарда және жастардың жаппай демалатын өзге де орындарында жасақтар қойылып, түнгі уақытта кәмелетке толмағандардың ойын-сауық мекемелерінде болуы, сондай-ақ оларға алкоголь және темекі өнімдерін заңсыз сату бойынша тексерістер жүргізілді.
Аталмыш бағыттағы іс-шаралар облыс ПД басшылығының тұрақты бақылауында тұр. Алдағы уақытта да жасөпірімдер арасындағы қылмыстар мен құқық бұзушылықтардың алдын алу бойынша жұмыстар жалғаса беретін болады.
Жергілікті полиция қызметінің Ювеналдық полиция бөлімінің бастығы Қалжанов Қуаныш Жақсылықұлының сөз сөйлеуі:
https://web.facebook.com/824666494269272/posts/2548813338521237?vh=e&d=n&sfns=mo&_rdc=1&_rdr
Жамбыл облысы Полиция департаментінің Баспасөз қызметі
