Жаз мезгілі – табиғат аясында демалып, туған жердің көркін тамашалайтын уақыт. Алайда демалыс мәдениеті табиғатқа жанашырлықпен қараудан басталатынын ұмытпаған жөн.
«Таза Қазақстан» экологиялық бастамасы әрбір азаматты қоршаған ортаның тазалығын сақтауға, қоғамдық орындар мен табиғи аумақтарды таза ұстауға үндейді. Демалыс орындарында, өзен-көлдердің жағасында, саябақтар мен орман алқаптарында қоқыс қалдырмау – қоршаған ортаға деген құрметтің белгісі.
Табиғатқа шыққан әр адам тұрмыстық қалдықтарды арнайы қоқыс жәшіктеріне тастап немесе өзімен бірге алып кетсе, еліміздің табиғи келбетін сақтауға зор үлес қосады. Тазалық – тек коммуналдық қызметтердің емес, барша қоғамның ортақ жауапкершілігі.
Таза табиғат – дені сау ұлттың, көрікті өлкенің және жарқын болашақтың кепілі. Сондықтан әрбіріміз қоршаған ортаға жанашырлық танытып, «Таза Қазақстан» бастамасына өз үлесімізді қосайық.
