Нұржан Календеров Тараз қаласын тура үш жыл басқарды. Осы үш жыл уақыт ішінде ауыз толтырып айтарлықтай жұмыс жасады деп айтуға негіз де жоқ емес. Ол әкім болып тұрған кезде облыс орталығының инфрақұрылымы мен абаттандырылуы дамып, қоғамдық-мәдени іс-шаралар өз деңгейінде өтті. Соның ішіндегі ең маңыздысы, дүйім жұрт көз тіккен Қазақ хандығының 550 жылдығы. Бұл елдік шараның негізгі бөлігі біздің шаһарда өрбіді. Мерейлі той қала әкіміне жүктелген үлкен жауапкершілік болатын. «Күн отырмады, түн ұйықтамады». Қаланы көркейту жұмыстарын, мыңдаған мейманды бір мезетте қабылдау үшін шаһарды дайын қылды. Есесіне, дүбірлі той ың-шыңсыз жоғары деңгейде өтті. Тіпті, аталмыш шараның бел ортасында болған Мемлекет басшысы Н.Ә.Назарбаевтың өзі ұлттық деңгейдегі мерейлі тойдың ұйымдастырылуына көңілі толатындығын айтып кеткен болатын.
Сондай-ақ ол қаланы басқарып тұрғанда шаһарға екі өзгеріс енді. Алғашқысы, қаланың негізгі көшелерінің қиылыстарына қосымша бұрылыс айрықтары салынды. Бұл күн санап көлік саны өсіп келе жатқан қала үшін тиімді болды деуге болады. Екіншісі, Төле би даңғылындағы қазіргі облыстық диогностикалық орталық, студенттік емхана мен №12 орта мектеп маңында жер үсті жүргіншілер көпірі пайдалануға берілді. Сонымен қатар біршама әлеуметтік нысандар бой көтеріп, бірқатар мектептерге күрделі жөндеу жұмыстары жүргізілді.
Кадрлық өзгерістерге келетін болсақ, құрылыс, транспорт, көлік, автомобиль жолдары бойынша екі рет орынбасары ауысты. 2014 жылы облыс әкімі Қ.Бозымбаев болған кезде біраз айхай-шумен орнын босатқан Ерік Әубәкірұлы Көшербаев қайта атқа мініп, 2015 жылы қыркүйегінде Ерік Әубәкірұлы өз саласына қайта оралды. Энергетика басқармасының басшысы болып Көшербаев келгеннен кейін, оның орынбасары Ахаев Мақсат Кеңесханұлы Тараз қаласы әкімінің орынбасары болып тағайындалды.
Ал, идеология бойынша қалаға сан жылдар қызмет жасаған Күлімхан Майлыбекқызы Тоғызбаеваны зейнетке жіберіп, қалалық білім бөлімінің басшысы Маржан Төреғұлқызы Қожаева тағайындалған. Ал, Маржан Төреғұлқызы 2 жыл қызмет жасап, облыстық Қазақстан халықтар Ассамблея хатшылығының меңгерушісі қызметіне ауыстырылып, босаған орынға қалалық ішкі саясат бөлімінің басшысы Кенжебек Мамашбайұлы Олжабай жайғасты.
Қожаева кеткеннен кейін білім бөлімінің басшылығына 8 жыл облыстық білім басқармасының басшысының орынбасары болған Гүлзия Расылханқызы Зәуірбекова келген. Мемлекеттік қызметтегі кадрлардың «лифтілі» жоғарлаудың көрсеткіші ретінде ішкі саясат бөлімінің басшысы болып Ұлана Сламбекқызы Сламбекова, ал кәсіпкерлік және өнеркәсіп бөлім басшысы болып Серікжан Тілеумұратұлы Әбдікерімов тағайындалды. Екі жаңа басшыда орынбасар болып қызметтерін жасап, Нұржан Сәбитұлы басқарған кезінде жоғары лауазымдық мәртебеге ие болды.
2015 жылдың 22 шілдесі күні «Жаса» жастар қозғалысының белсенділерімен «галстуксыз» кездесуге келіп, ашық әңгіме құрып, жастардың ойында жүрген қой алмай жүрген сұрақтарына тұшымды жауап алған еді. Сол кездесуден кейін Тараз қаласында «СтритВоркАут» қозғалысының дамытуға 7 жаңа алаңдар салынып халық игілігіне берілді. Қала әкімі болған кезде жастармен «сэлфиге» түсуден қашпайтын.
Жұмыс болғандықтан кемшілік болады. Календеровтың кезінде әлеуметтік желімен жұмыс өте төмен деңгейде жүргізілді. Мүмкін әкімнің кінәсі емес шығар, бірақ жауапты мамандардың облыс орталық басшысының ғаламтор арқылы халыққа жақын қылдыра алмады. Әкімнің бағасын халық береді.
Үш жыл тарихи шаһарды басқарған Нұржан Календеровтың бұдан өзге де жұмысы жетерлік. Енді ол Жамбыл облысы әкімі апаратының басшысы қызметін атқаруда. Оның алдағы жұмысына сәттілік тілейміз.
TURANINFO.KZ
