Домино зергерлік салонының директоры Марина Седова Алғыс хатында Тараз қаласы Полиция басқармасының 1-полиция бөлімі жедел тобына 2020 жылдың қазан айында болған зергерлік салонды тонау дерегін ашқаны үшін шынайы ризашылығын білдірді.
Естеріңізге сала кетсек, 2020 жылдың қазан айының 14-нен 15-не қараған түні Тараздағы зергерлік дүкеннің бірі тоналған.Ұры дүкеннің қабырғасын бұзып кіріп, 25 000 000 теңге көлеміндегі алтын бұйымдардың басым бөлігін алып шыққан. Зергерлік дүкеннің ішіне кіру тәсілін қолданғандықтан облыс орталығының тұрғындары бұл қылмысты итальянша тонау деп атады.
Жүргізілген жедел-іздестіру іс-шараларының нәтижесінде Тараз қаласы Полиция басқармасының 1-полиция бөлімі криминалдық полиция бөлімшесінің қызметкерлері күдіктіні ұстады. Ол Қарағанды облысының бұрын сотты болған 49 жастағы тұрғыны болып шықты. Аталған дерекке қатысты ҚР ҚК 188-бабы 3-бөлігі (ұрлық) бойынша сотқа дейінгі тергеу амалдары жүргізілуде.
Жедел топтың үйлесімді және жоғары кәсіби жұмысының нәтижесінде қылмыскер ұсталды. Сіздердің қажырлы еңбегіңіз, құзыреттілігіңіз, дұрыс шешім қабылдау қабілеттеріңіз барлық құрметке лайық. Сауатты және кәсіби ұйымдастырылған операция
үшін Тараз қаласы Полиция басқармасының 1-полиция бөлімі басшылығына үлкен алғысымды білдіремін — деп авлғысын білдірді Тараз қаласының тұрғыны.
