Ағымдағы жылдың 11 сәуірінде полицияға Тараз қаласының 32 жастағы тұрғыны хабарласып, «Чайка» дүкені аумағында белгісіз тұлға дене күшін пайдалана отырып, ұялы телефонын ашық түрде ұрлап кеткендігі және 70 000 теңге көлемінде материалдық шығын келтіргені туралы шағымданған.
Аталған дерекке қатысты ҚР Қылмыстық кодексінің 191-бабы (Тонау) бойынша сотқа дейінгі тергеу амалдары басталды.
Жедел-іздестіру іс-шаралары барысында полиция қызметкерлері осыған ұқсас қылмыстары үшін бұрын сотталған 22 жастағы облыс тұрғынын анықтап, ұстады.
Жәбірленушімен танылған ұсталған азамат кінәсін толық мойындады. Тергеу амалдары жүргізілуде.
