«TARAZ АРУЫ — 2017» атты облыстық байқауы өтті
Тараз қаласындағы «Баласағұн» орталық концерт залында облыс әкімдігі жастар саясаты мәселелері басқармасының «Жастар ресурстық орталығының» мекемесімен қыз балалардың жан дүниесіндегі көркемдік пен рухани байлықты қалыптастыру, ұлттық салт-дәстүрді, әдебиет пен тарихты, әдеп пен мәдениетті меңгерген білімді де білікті нәзік жандыларды тәрбиелеу, ішкі жан дүниесі мен сыртқы мүсіні келіскен, жиырма бірінші ғасырдағы қыз баласының болмысын бүгінгі жастарға үлгі ету, бәсекеге қабілетті, дарынды, талантты қыздарды анықтау мақсатында «TARAZ АРУЫ – 2017» облыстық сұлулық байқауы өткізілді.
Аталған байқауға жас шамасы 16 мен 22 жас аралығындағы, бойы 165 см.-ден жоғары қазақ тілін еркін меңгерген өнерлі де сымбатты облыстың жас арулары қатысты. Байқау барысында арулар өзін-өзі таныстыру, өз өнерлерін ұсыну және сұрақ-жауап номинациялары бойынша сынға түсіп, арулар серіктестіктер ұсынған «Набоко» ұлттық дизайнерлік киімдерін, «LUX dress» киімдер дүкенінің кешкі сәнді киімдерін және «Bora» киім дүкендер желісінің классикалық киімдер топтамаларынан дефиле жасап, көрермендерге ұсынды.
Байқау қорытындысы бойынша бас жүлде «Тaraz аруы – 2017» аталымын Үміт Ильясова (ТарМПИ) иеленді, І вице-ару Венера Сейфулла (Жамбыл ауданы), ІІ вице-ару Аяжан Орынбасар (Жамбыл медициналық колледжі) және ІІІ вице-ару Назгүл Әбдіжамалова (ТарМПИ) жеңіп алды. Басқа да қатысушы арулар байқау серіктестіктері ұсынған номинациялар мен сертификаттарға ие болды.
TURANINFO.KZ
