Тараз қаласындағы өрт оқиғасы бойынша ақпарат
Ағымдағы жылдың 28 маусымынан 29 маусымына қараған түні Жамбыл облысы ТЖ департаментінің Күштер мен құралдарды жедел басқару орталығының «101» телефон нөміріне сағат 1.51-де Тараз қаласы, Қонаев көшесіндегі «Holsten» дәмханасына жапсарлас орналасқан тұрғын үйдің жаздық асханасынан өрт шыққандығы жөнінде хабарлама келіп түскен. 1 сағат 59 минутта оқиға орнына Тараз қалалық өртке қарсы қызмет гарнизонынан 24 адам жеке құрам мен 5 өрт сөндіру техникасы жетіп, шұғыл түрде өрт сөндіру жұмыстарын жүргізген. Тұрғынүй жоғарыда аталған дәмханаға жақын орналасқандықтан өрт дәмхананың жаздық алаңына өткен. Өрттің жалпы аумағы150 шаршы метрді құраған. Өрт сөндірушілер өртті 2.08-де ауыздықтап, 2.27-де жойған. Өрт салдарынан тұрғынүйдің жаздық асханасының шатыры және «Holsten»кафесінің жаздық алаңы жойылды. Қазіргі уақытта өрттің шығу себебі мен материалдық шығыны анықталуда. қаза болғандар мен зардап шеккендер тіркелмеген.
