Бұл туралы Өңірлік коммуникациялар қызметінде өткен брифинг барысында Жамбыл облысы әкімдігінің энергетика және тұрғын үй-коммуналдық шаруашылық басқармасы басшысының орынбасары Мамат Шәкіров мәлімдеді.
Мамат Сәдуұлының ақпаратына сүйенсек, Жамбыл облысы бойынша жылыту маусымы 2017 жылдың сәуір айының 11-нен 12-не қараған түні 00.00 сағатында, сыртқы ауаның орта-тәулік температурасының тұрақты +8 С болуына байланысты тоқтатылды.
Жылыту маусымның ұзақтығы 178 тәулік құрады, норматив бойынша 164 тәулік болу керек.
Тараз қаласының жылумен жабдықтау мекемелерінің жоспарланған іс-шараларына сәйкес, Таразтрансэнерго МКК-ың тарапынан 2017 жылдың 26 мамырынан 4 қыркүйегіне дейін ыстық сумен жабдықтау жоспарлануда.
19 сәуірден бастап жылу желілерін есептелген температуралық және гидравликалық сынақтан, күрделі және ағымдағы жөндеу жұмыстарын өткізу жұмыстары басталды.
ТЭЦ АҚ-ның ыстық суын 705 көппәтерлі тұрғын үй тұтынады. Белгіленген кестелерге сәйкес қаланың бөліктерінде жөндеу жұмыстары аяқталған соң, ыстық су беріле бастайды.
«Жамбыл-Жылу» МКК-на қарасты РК-1 жылу көзі тарапынан 27 сәуірден 1 тамызға дейін 82 көппәтерлі тұрғын үйлеріне: «Қаратау» мөлтек ауданы, «Қарасу» мөлтек ауданы, «Қарасу» массиві, «Сахпоселок» массиві тұтынушыларына жылы сумен жабдықтау жұмыстары жоспарлануда. 1 тамыздан 27 тамызға дейін жылу желілерін сынау және дефектілерді қалпына келтіру жұмыстары өткізіледі.
Жөндеу жұмыстары аяқталған соң ағымдағы жылдың 28 тамызынан 1 қазанына дейін жылы сумен жабдықтау жалғасады.
«Теміржол-Жылу» МКК-ға қарасты Байзақ батыр көшесіндегі «Газовая» қазандығана 27 сәуірден 1 шілдеге дейін 19 көппәтерлі тұрғын үйлеріне жылы сумен жабдықтау жұмыстары жоспарлануда. 1 шілдеден 29 тамызға дейін жөндеу жұмыстары жоспарлануда және аяқталған соң, жылы сумен жабдықтау жалғасып отырады.
Бүгінгі күнге, отын энергетика кешені мекемелерінің тарапынан жазғы маусымда өткізілетін жөндеу жұмыстары мен іс-шаралар жоспары жасалып, мақұлдануда, — деп сөзін түйіндеді М.Шәкіров.
