Жамбыл облысы әкімдігі жұмыспен қамту және әлеуметтік бағдарламалар басқарма басшысының орынбасары болып Абдибекова Айтолқын Серікқызы тағайындалды.
Абдибекова Айтолқын Серікқызы 1971 жылы 10 шілдеде Жамбыл облысы, Талас ауданы Қаратау совхозында дүниеге келген. Ұлты қазақ, білімі жоғары.
1997 жылы Жамбыл университетін «Құрылыс инженері», 2012 жылы М.Х.Дулати атындағы Тараз мемлекеттік университетін «Қаржы» мамандығы бойынша бітірген.
Еңбек жолын 1993-1996 жылдары Әлеуметтік қорғау бөлімі жанындағы қаржы төлеу және халықты әлеуметтік қорғау қорының таратушысы, аға инспекторы, директордың орынбасары болып бастаған.
1997 жылы Халықты әлеуметтік жағынан қорғау бөлімінің кассир-инспекторы.
1997-1999 жылдары Талас аудандық орталық ауруханасының кассирі.
1999-2000 жылдары Талас аудандық еңбек, жұмыспен қамту және әлеуметтік жағынан қорғау бөлімінің бастығы.
2000-2003 жылдары Талас ауданы әкімі аппаратының ішкі саясат және әлеуметтік сала бөлімінің маман-кеңесшісі, бас маманы.
2004 жылы Талас ауданы Абай атындағы негізгі мектебінің лаборанты.
2004 жылы Талас ауданы әкімінің білім басқармасының есеп бөлімінің хатшы машинисті.
2005 жылы Талас ауданы әкімінің білім басқармасының әдістемелік кабинетінің программисті.
2005-2008 жылдары Талас ауданы әкімиятының білім және спорт бөлімінің бас маманы.
2008-2012 жылдары Талас ауданы әкімиятының жұмыспен қамту және әлеуметтік бағдарламалар бөлімінің жұмыспен қамту бөлімшесінің басшысы.
2012-2017 жылдары Қаратау қаласы әкімінің орынбасары.
2017-2019 жылдары Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының №3 Арнаулы әлеуметтік қызметтер ұсыну орталығының директоры, директорының орынбасары.
2019-2021 жылдары Талас ауданы әкімдігінің халықты жұмыспен қамту орталығының директоры.
2021 жылдың сәуір айынан бастап осы уақытқа дейін Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының «Талас аудандық мүгедек балаларды оңалту және бейімдеу орталығы» директоры.
2022 жылдан бүгінгі күнге дейін Талас ауданы әкімінің орынбасары қызметін атқарып келді.
