Тұз зауытының ашылуына аз қалды
«Солянная компаниясы «Асыл тұз» ас тұзын даярлайтын зауыт құрылысына Жаңатас қаласынан 1 га жер аукцион арқылы сатылып және 3,31 га жер аумағы ұзақ мерзімді жалға берілді. Өндіріс орынның құрылыс жұмыстары басталып, бүгінгі күні 30,0 млн. теңгеге жуық қаражат жұмсалды. 2015 жылғы 25 ақпанда жергілікті 75 азаматты жұмысқа қабылдау туралы ынтымақтастық меморандумға аудан әкімдігімен бірлесіп қол қойылған. Зауыт құрылысына қажетті материалдар мен қондырғыларды Тараз қаласындағы Әлеуметтік кәсіпкерлік корпорациясынан лизингтік бағытта алуға әрекеттер жасалып, корпорациямен келіссөздер жүргізілді. Құрылысы қарқынды жүріп жатқан зауыттың ашылуы 2017 жылдың 10 қыркүйегіне жоспарланған. Келешекте жобаға мемлекет тарапынан 90 миллион теңгеге 1,4 шақырым темір жол тұйығы, 17,5 миллион теңгенің электр желісі тартылмақ.
Арайлы Жақсылық
