ҚР Еңбек және халықты әлеуметтік қорғау министрі Тамара Дүйсенова «Атамекен» ҚР Ұлттық кәсіпкерлер палатасы Төралқасының төрағасы Райымбек Баталовпен кездесу өткізді. Тараптар «Кәсіби біліктілік туралы» заң жобасында көзделген новеллаларды және қазақстандықтарды зейнетақымен қамсыздандыру мәселелерін талқылады.
Министрлік басшысы ҰКП жетекшісіне жоғарыда көрсетілген заң жобасында көзделген кәсіптік стандарттарды әзірлеу және бекіту тәртібі туралы айтып берді.
Министр жаңа кәсіби стандарттардың негізінде жұмыс берушілердің талаптарына сәйкес келетін мамандарды даярлау мақсатында оқу бағдарламалары өзектендірілетінін атап өтті. Қызметкерлердің кәсіби дағдылары мен құзыреттері кәсіби біліктілікті танудың аккредиттелген орталықтарында расталатын болады.
Тамара Дүйсенова мен Райымбек Баталов қазақстандықтарды зейнетақымен қамсыздандыру мәселелерін де талқылады. Тараптар бұл процеске мемлекет және азаматтармен қатар жұмыс берушілер де қатысуы тиіс деген ортақ пікірге келді.
