Т.Қамбатыров: Шетелдік көздерден ақша және мүлік алғаны жөнінде келісім жасалғаннан кейін 10 күн ішінде бекітілген формада хабарлама жібереді
Өңірлік коммуникациялар қызметінде Жамбыл облысы бойынша Мемлекеттік кірістер департаменті брифинг өткізді. Брифингке Профилактикалық жұмыс және бақылау басқармасының басшысы Пак Олег Моисеевич, Көлеңкелі экономикаға қарсы іс-қимыл басқармасы басшысының міндетін атқарушы Шманов Төлеби Советбекұлы және Мемлекеттік қызмет көрсетулер басқармасының басшысы Қамбатыров Талғат Сағадатұлы қатысып Қазақстанда шетелдік қаржыландыру мониторингі туралы ақпарат берді.
Талғат Сағадатұлының айтуынша, шетелдік көздерден ақша және мүлік алғаны жөнінде келісім жасалғаннан кейін, 10 күн ішінде азаматтар мен заңды тұлғалар кірістер органдарына бекітілген формада хабарлама жібереді. Есептік тоқсаннан кейінгі айдың 15-іне дейін салық органына алынған ақша мен оның жұмсалғаны туралы есеп жіберіледі.
Есептілікті қағаз жүзінде, сонымен қатар үйден шықпай-ақ электронды түрде ұсынуға болады.
Жаңалықтар шетелдік көздерден ақша немесе мүлік алушыларға қатысты, бұл өзгерістер бизнес жүргізіп және есептілік тапсырып отырғандарға қатысты емес, бұрын реттелмеген үш атқаратын қызмет түрлері бойынша жүзеге асырылады. Олар: заң бойынша көмек көрсету, қоғамдық пікірді зерттеу (коммерциялық мақсатта жүргізілгеннен басқасы), ақпаратты жинау, талдау және тарату.
Көрсетілген Заң шеңберінде 0.17.00, 0.18.00 нысандар бойынша салық есептіліктерін тапсыру Салық кодексінің 14 бабының 1-1 және 1-2 тармақтарымен қарастырылған.
Салық кодексінің 14 бабының 1-1 тармғына сәйкес 0.17.00 және 0.18.00 нысандарын тапсырудан келесілеге қолданылмайды:
1) мемлекеттік мекемелер;
2) лауазымдық міндеттерін атқару кезінде жауапты мемлекеттік лауазымдарды атқаратын адамдарға, мемлекеттік функцияларды орындауға уәкілеттік берілген адамдарға, Қазақстан Республикасының Парламенті және мәслихаттар депутаттарына (өз қызметін босатылмаған негізде жүзеге асыратын мәслихаттар депутаттарын қоспағанда), әскери қызметшілерге, құқық қорғау және арнаулы мемлекеттік органдардың қызметкерлері;
3) екінші деңгейдегі банктерге, банк операцияларының жекелеген түрлерін жүзеге асыратын ұйымдарға, сақтандыру ұйымдары;
4) тізбесін Қазақстан Республикасының Үкіметі бекітетін, мониторингке жататын ірі салық төлеушілер;
5) мектепке дейінгі және орта білім беру ұйымдарына, техникалық және кәсіптік, орта білімнен кейінгі, жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарына, сондай-ақ дербес білім беру ұйымдары мен халықаралық мектептер;
6) адвокаттық, нотариаттық қызметті, жеке сот орындаушыларының, медиаторлардың, төрешілердің, бағалаушылардың, аудиторлардың қызметін жүзеге асыруға байланысты алынған ақшаға және (немесе) өзге де мүлік;
7) квазимемлекеттік сектор субъектілері;
8) Қазақстан Республикасында аккредиттелген шет мемлекеттің дипломатиялық және оған теңестірілген өкілдіктеріне, шет мемлекеттің консулдық мекемелеріне, сондай-ақ олардың қызметкерлері;
9) спорттың ұлттық, техникалық және қолданбалы түрлерін дамытуға, дене шынықтыру мен спортты қолдауға және ынталандыруға бағытталған, сондай-ақ спорттық іс-шараларды, оның ішінде халықаралық спорттық жарыстарды, спорттық-бұқаралық іс-шараларды өткізуге арналған ақшаға және (немесе) өзге де мүлік;
10) Қазақстан Республикасының халықаралық шарттары негізінде алынатын ақшаға және (немесе) өзге де мүлік;
11) емделудің ақысын төлеу немесе сауықтыру, профилактикалық рәсімдерден өту мақсатында алынатын ақшаға және (немесе) өзге де мүлік;
12) сыртқы сауда келісімшарттары бойынша пайда түрінде алынатын ақшаға және (немесе) өзге де мүлік;
13) халықаралық тасымалдарды ұйымдастырғаны және жүзеге асырғаны үшін, халықаралық пошта байланысы қызметтерін көрсеткені үшін алынатын ақшаға және (немесе) өзге де мүлік;
14) Қазақстан Республикасының заңнамасына сәйкес жасалған инвестициялық келісімшарттар шеңберінде алынатын ақшаға және (немесе) өзге де мүлік;
15) төлем көзінен жеке табыс салығын ұстап қалғанын растайтын құжаттар болған кезде, төлем көзінен бұрын осындай салық салынған дивиденттердің, сыйақылардың, ұтыстардың сомалары;
16) Қазақстан Республикасының Үкіметі белгілеген өзге де жағдайларға қолданылмайды.
Салық есептіліктерін тапсырмаған немесе жалған ақпарат, қаржы алғандығы туралы хабарлау жөнінде талаптарды қасақана ескермеген жағдайда, Қазақстан республикасының Әкімшілік құқық бұзушылық туралы Кодексінің 460-1 және 460-2 бабына сәйкес заң шеңберінде жауапкершілік қарастырылған, — деп сөзін қорытындылады Талғат Қамбатыров.
