Спортшы полицейлер сайысқа түсті
2017 жылдың 8 қарашасында Тараз қаласы Ішкі істер басқармасы Әйелдер кеңесі бөлімінің ұйымдастыруымен қызметтік міндеттерін атқару барысында қаза болған қызметкерлерді еске алу күніне және милиция қызметінің құрылғанына 100 жыл толу мерекесіне орай ішкі істер органдары қызметкерлері арасында спорттық іс-шара өткізілді.
Ішкі істер органы қызметінде салауатты өмір салтын насихаттау мақсатында ұйымдастырылған сайысқа қалалық Ішкі істер басқармасының қызметкерлері мен отбасы мүшелері қатысты. Ойынға қатысқан 8 команда «Эстафеталық жүгіру», «Мерген», «Ұзындыққа секіру», «Доппен секіртпе және аяқ байлау» атты 4 кезең бойынша бақ сынап, спорттық шеберліктерін көрсетті.
Нәтижесінде шапшыңдықтары мен мергендіктерін, ерекше отбасылық түсіністіктері мен ұйымшылдығын танытқан Тараз қаласы ІІБ 1 полиция бөлімінен «Құмарбековтар отбасы» жүлделі 1 орынды жеңіп алды. Ал қарсыластарынан санаулы ұпаймен қалыс қалған Тараз қаласы ІІБ 2 полиция бөлімінен «Сихымбековтар отбасы» 2-ші орынға лайық деп танылса, 3-ші орын жүлдесін Тараз қаласы ІІБ Жергілікті полиция қызметінен «Мұсаевтар отбасы» еншіледі.
Барлық жарысқа қатысушы «спортшы полицей» отбасыларының мүшелері қалалық ішкі істер басқармасы басшылығының атынан дипломдар және бағалы сыйлықтармен марапатталды.
Ботакөз Бақдәулетқызы,
Жамбыл облысы ІІД
Баспасөз қызметкері
