Тараз қаласында №1 және №2 мамандандырылған халыққа қызмет көрсету бөлімдерін біріктіру жұмыстары жүргізілді. Аталған өзгерістер бөлімнің қызметін оңтайландыру және тиімділігін арттыру мақсатында жүзеге асырылды.
Біріктіру нәтижесінде бөлім құрылымына өзгерістер енгізіліп, 7 штаттық бірлік басқа халыққа қызмет көрсету орталықтарының бөлімдеріне қайта бөлінді. Бұл ретте қызметкерлерді қысқарту жүргізілген жоқ.
Сонымен қатар, көрсетілетін мемлекеттік қызметтер саны өзгеріссіз қалды және тұрғындарға қызмет көрсету бұрынғыдай толық көлемде жалғасуда.
Қазіргі уақытта Тараз қалалық мамандандырылған халыққа қызмет көрсету бөлімінің басшысының міндетін Мұхтар Руслан атқаруда.
Тараз қаласы, Әулиеата ауданы, Қойгелді көшесі, 158А мекенжайында орналасқан ғимаратқа қатысты алдағы кезеңде жөндеу жұмыстарын жүргізу жоспарланып отыр.
