Сот анықтағандай, Г. 2010 жылдан бастап «Бюджеттік ұйымның қызметкері» санаты бойынша тұрғын үйге кезекте тұрған. 2018 жылы неке бұзылғаннан кейін оның статусын тұрғын үй комиссиясы «Толық емес отбасы» санатына өзгерткен және жаңа санат бойынша есепке қою күні 2018 жылдың шілдесінде анықталған. Алайда, KEZEKTE.KZ электрондық жүйесінде өзгерістер уақытылы енгізілмеген.
Істі қарау барысында тұрғын үй қатынастары бөлімі 2018 және 2023 жылдардағы тұрғын үй комиссиясының хаттамаларының бар екендігін растады және кезектілікті түзету орындалмағанын анықтады. Жауапты қызметкер тәртіптік жауапкершілікке тартылды.
Сот Г.-ны «Толық емес отбасы» ретінде кезекке қою негіздері неке бұзылған сәттен бастап, яғни 2018 жылдан бастап пайда болды деген қорытындыға келді.
Сот шешімімен азаматша Г. 2018 жылдан бастап «Толық емес отбасы» санаты бойынша тұрғын үй алу кезегіне қалпына келтірілді.
Шешім заңды күшіне енген жоқ.
Жамбыл облысының МАӘС баспасөз қызметі
