Гвардейск гарнизонының әскери қызметшілері мен әскери бөлімшесінің басшылығы қазынадан 400 млн теңге жымқырған деп хабарлайды «TURANINFO.KZ» ақпараттық агенттігі сыбайлас жемқорлыққа қарсы іс – қимыл жөніндегі Ұлттық Бюро Жамбыл облысы бойынша департаментінің баспасөз қызметіне сілтеме жасай отырып.
— Гвардейск гарнизонының әскери қызметшілері мен әскери бөлімнің басшылығы (барлығы 7 адам қылмыстық жауапкершілікке тартылды, олар түрлі жаза мерзіміне сотталды) ҚР ҚК-нің 176-бабының 4-бөлігінің «б» тармағы, 28-бабының 5-бөлігінің 4-бөлігінің 2-тармағы, 189-бабының 4-бөлігінің 2-тармағы, 369-бабының 2-тармағы бойынша бюджет қаражатын ұрлау және қызметтегі жалғандық фактілері анықталды. Тергеу жүргізу барысында Гвардейск гарнизонының әскери бөлімдерінің әскери қызметшілері 2009-2017 жылдар аралығында алдын ала сөз байласу арқылы өздерінің сенім білдірген әскери қызметшілердің сыйлықақы алушылар тізіміне енгізу арқылы әскерилердің ақшалай қаражатын жүйелі түрде ұрлағаны анықталды. Қылмыстық іс-әрекеттің нәтижесінде аталған адамдар әскери бөлімдерден 400 млн.теңгеден астам ақша ұрлаған. Сөйтіп мемлекетке аса ірі мөлшерде мүліктік зиян келтірген. Аталған резонанстық қылмысты жасау мүмкін болды, оның ішінде ведомстволық бақылауда жіберілген босаңсулар және әскери бөлімдерде бухгалтерлік есеп жүргізу ережесімен регламенттелген Заңның жекелеген нормаларын бұзу нәтижесінде жүргізілген. Осыған байланысты, «Оңтүстік» өңірлік қолбасшылығына қылмыстық құқық бұзушылық жасауға ықпал еткен жағдайларды жою туралы ұсыныс жолданды. Бұл туралы Жамбыл облысы бойынша департамент басшысы Әділхан Әшірбаев хабарлады.
Ұсынымды қарау нәтижелері бойынша облыс бойынша департамент басшысы А. Әшірбаевтың қатысуымен «Оңтүстік» өңірлік қолбасшылығының жауапты лауазымды тұлғалары атқарып отырған лауазымынан босатылды және қатаң тәртіптік жауапкершілікке тартылды. Барлығы 6 әскери қызметші тәртіптік жауапкершілікке тартылған.
Сурет «Оңтүстік» өңірлік қолбасшылық қызметкерлерімен кездесуінен түсірілген.
