Нормативтік құқықтық акт Қазақстан Республикасы Президенті Әкімшілігінің тапсырмасын орындау мақсатында дайындалды.
Жарлық жобасында әскери қызметшіге бос әскери лауазым бойынша міндеттерді уақытша атқаруды жүктеу мерзімдерін құқықтық регламенттеу бөлігінде, сондай-ақ заңнамаға қайшылықтарды болдырмау мақсатында өзгерістер мен толықтырулар ұсынылады.
Нормативтік құқықтық актіде іссапарға жіберу рәсімін ретке келтіруге, әскери атақтар беру тәртібін нақтылауға, әскери атақтар бойынша жалақыларды, материалдық көмекті, сыйлықақыларды және Ұжымдық қауіпсіздік туралы шарт ұйымының Біріккен штабында қызмет өткеретін әскери қызметшілерге заңнамада көзделген басқа да өтемақы төлемдерін төлеуге бағытталған нормалар да жазылған.
Президент Жарлығы жобасының толық мәтінімен «Электрондық үкімет» порталында ағымдағы жылдың 12 желтоқсанына дейін «Ашық НҚА» бөлімінде мына сілтеме бойынша танысуға болады: https://legalacts.egov.kz/npa/view?id=14818476
