2022 жылғы 26 шілдеде Қазақстан Республикасы Премьер-Министрінің орынбасары — сауда және интеграция министрі Бақыт Сұлтанов ҚР Президенті жанындағы ҚР Орталық коммуканициялар қызметінің алаңында сөйлеген сөзінде сауда желілері өнімді белгіленген бағамен жеткізуге келісімшарттар жасайтынын, бұл халыққа өнімді қолайлы бағамен сатып алуға мүмкіндік беретінін хабарлады.
Қаржыландырудың қазіргі көлемі 86,5 млрд. теңге болған кезде нарыққа ықпал ету үлесі 4% — ды құрайды. Алайда, тіпті мұндай шамалы көлем оның тиімділігін көрсетеді. Мысал ретінде-Қарағанды облысы.
Ағымдағы жылдың сәуір айында 2 709 тонна көлемінде картопты бөлшек саудада 85 теңге белгіленген бағамен жеткізуге шарттар жасалды, ал коммерциялық баға 175 теңгені құрады. Нәтижесінде облыста картоптың ең төменгі бөлшек сауда бағасы қалыптасты — 135 теңге.
«Қазір көріп отырғанымыздай, картоп, сәбіз, қырыққабат бағасының төмендеу үрдісі байқалады, мұның бәрі «айналым схемасы»шеңберінде алдын ала келісімшарт жасаудың нәтижесі.
Біз нарық қатысушылары белгілейтін нақты бағалар туралы халық пен бизнесті барынша ақпараттандыруды қамтамасыз етуге ниеттіміз. Бұл сауда желілерінің, өндірушілер мен жеткізушілердің қаражатты тиімді пайдалануына кепілдік береді»,- деді Б. Сұлтанов.
Мемлекет басшысының тапсырмасы бойынша Министрлік өндіріс пен тұтыну теңгеріміне талдау жүргізеді.
