Есептерге сәйкес, былтыр Қазақстан экономикасы шикізаттық емес секторды дамыту есебінен 4,8 пайызға өсті. Атап айтқанда: экономиканың базалық салаларындағы өндіріс көлемі артты. Өнеркәсіп өнімінің көлемі 2,8 пайызға, ауыл шаруашылығының жалпы өнімі 13,7 пайызға, құрылыс жұмыстары 13,1 пайызға, сауда 9,1 пайызға өсті.
Негізгі капиталға салынған инвестиция көлемі 7,5 пайызға көбейді. Құны 2,7 трлн теңгені құрайтын 248 инвестициялық жоба жүзеге асырылды. Елдің халықаралық резервтері 2025 жылғы 1 қаңтардағы жағдай бойынша 104,7 млрд АҚШ долларын құрап, 2024 жылдың басымен салыстырғанда 9,1 пайызға өсті.
2024 жылға арналған республикалық бюджет кірістері 19,6 трлн теңгені немесе болжамды мәннің 97,2 пайызын құрады. Оның ішінде көп бөлігі, яғни, 12,3 трлн теңге – салық түсімдері. 23,6 трлн теңге немесе жылдық жоспардың 97,8 пайызы игерілді. Игерілмеген 526 млрд теңгенің 92 млрд теңгесі республикалық бюджет бағдарламаларына тиесілі.
2024 жылдың қорытындысы бойынша жоспарланған 3,7 триллион теңге бойынша республикалық бюджет тапшылығы 3,6 триллион теңгені немесе ішкі жалпы өнімнің 2,7 пайызын құрады. Бюджет тапшылығының 98,4 пайызы қарыз алу есебінен жабылды.
t.me/mazhilis_kz
