Астана қалалық сотының баспасөз қызметінің хабарлауынша, сот отырысы банк құпиясын қамтитын құпия ақпараттар қаралатындықтан, жұртшылыққа ашық болмайды.
Бұған дейін осы істі қарап жатқан судья Сабыржан Каримов сот отырыстары дүйсенбі және бейсенбі күндері өтетінін бекіткен болатын. Алайда өткен аптада отырыстар сәрсенбі, бейсенбі және жұма күні таңертең де өткізілген.
Перизат Қайрат туралы не белгілі?
Перизат Қайрат — Biz Birgemiz Qazaqstan қайырымдылық қорының төрайымы, Қазақстандағы белсенді еріктілер қозғалысының жетекшісі ретінде танымал. Ол су тасқынынан зардап шеккендерге көмек көрсету, Газа секторындағы гуманитарлық миссиялар және басқа да қайырымдылық шараларымен айналысып, қоғамда беделге ие болды.
2024 жылы 14 қарашада Қаржылық мониторинг агенттігі Перизат Қайрат 1,5 миллардты жымқырды деген күдікке ілінгенін хабарлады
Сонымен қатар ол 2023 жылғы қарашада Палестина тұрғындарына гуманитарлық көмек көрсету үшін қаражат жинап , оның 200 миллонын қалтасына басқан деген күдікке ілінді ҚМА дерегінше, 2023 жылғы желтоқсанда осы ақша есебінен Перизат Қайрат Sensata Plaza элиталық кешенінен 49 миллион теңгеге үш бөлмелі пәтер және 30 миллион теңгеге Mercedes-Benz EQE 500 4 Matic жаңа көлігін сатып алған.
2024 жылы 16 қарашада Астана қаласының тергеу соты Перизат Қайрат 2 айға қамауға алынғанын хабарлады
2024 жылы 13 желтоқсанда Перизат Қайраттың элиталық пәтерлерді,қымбат көліктері бұғатталды . Сондай-ақ Перизат Қайраттың тұрғылықты жерін тінту барысында қайырымдылыққа жиналған қаражатқа сатып алынған қымбат техника, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada және т. б. сияқты танымал әлемдік брендтердің киімдері, аяқкиімі, зергерлік бұйымдары, сөмкелері тәркіленді.
