Бұған дейін шалғай елді мекен тұрғындарына төтенше қызметтердің келуін ұзақ күтуге тура келетін. Енді жаңа пункттің арқасында төтенше жағдайларға ден қою әлдеқайда жедел болмақ, бұл өз кезегінде тұрғындардың өмірі мен мүлкін тиімді қорғауға мүмкіндік береді.
Пунки ғимараты толық жөнделіп, ішкі әрлеу жұмыстары жүргізілді, инженерлік желілер қосылды, қажетті жабдықтар орнатылды.
Өрт сөндіру пункті заманауи техникамен, байланыс құралдарымен жабдықталған және жеке құрамның тәулік бойы кезекшілік етуіне жағдай жасалған.
Нысанды құруға қатысты барлық жұмыстар Жамбыл облысы Төтенше жағдайлар департаментінің үйлестіруімен жүзеге асырылды. Жобаны қаржыландыру жергілікті бюджет есебінен жүргізілді.
Өрт сөндіру пунктінің ашылуы – азаматтық қорғау жүйесін нығайтуға және Аухатты ауылы мен жақын елді мекен тұрғындарының қауіпсіздігін қамтамасыз етуге септігін тигізеді.
