Бүгін 16 ақпанда қала әкімі Ғабит Сыздықбеков пен компания басшысы Шахмұрат Мүтәліп меморандумға қол қойды.
Меморандумдағы негізгі бағыт ретінде материалдық-техникалық базаны жаңарту, жаттығу инфрақұрылымын дамыту, басқаруды цифрландыру және клубтың коммерциялық тиімділігін арттыру мәселелері қаралды.
«Integra Construction KZ» ЖШС басшысы Шахмұрат Мүтәліп клубты дамыту жұмыстары әлеуметтік маңызы бар жоба ретінде қарастырылатынын айтты.
«Ордабасы» – тарихы бай әрі жанкүйерлері мықты қолдайтын клуб. Біздің алдымызда инфрақұрылымға, жас ойыншыларды даярлауға және бәсекеге қабілетті команда қалыптастыруға баса мән бере отырып, клубтың тұрақты дамуын қамтамасыз ету міндеті тұр», – деді ол.
«Integra Construction KZ» компаниясы теміржол және автомобиль жолдарын салумен айналысатын ірі инфрақұрылымдық құрылыс ұйымы.
