«Балалар жылына» орай, сондай-ақ Халықаралық балаларды қорғау күні қарсаңында Тараз қалалық полиция басқармасы «Динамо» спорт кешенінде облыс орталығындағы жалпы білім беретін мектептердің оқушылары арасында командалық жарыс ұйымдастырды.
Жарысқа ішкі істер органдарында және ювеналды полиция инспекторлары бөлімінде есепте тұрған «қиын» жасөспірімдер қатысты.
Аталған іс-шараның басты мақсаты – отбасылық-адамгершілік құндылықтарды насихаттау, жасөспірімдердің ішкі істер органдарына сенімін арттыру, сондай-ақ кәмелетке толмағандарды полиция қызметімен таныстыру және қауіпсіздік шараларына үйрету. Жарыстар «Толық футбол», «Волейбол», «Көңілді старттар» аталымдары бойынша өтті. Барлық қатысушылар белсенділік танытты.
Жарыстар жылы әрі достық жағдайда өтіп, «жас жігіттер» командасы Тараз қалалық полиция басқармасының қызметкерлерімен бірге қызықты футбол тартысында жеңіске жетті. Ал волейболдан өткен турнирде Тараз қалалық полиция басқармасының 1-бөлімінің атынан 5-9 сынып оқушыларының
құрама командасы бірінші орынды иеленді.
Барлық 43 қатысушы медальдар мен мақтау қағаздарымен, ал жеңімпаздар кубоктармен марапатталды. Осы ретте тәртіп сақшылары балаларға ұлдарға футбол доптары мен қыздарға спорттық форма түріндегі естелік сыйлықтарды табыс етті.
– Мұндай іс-шаралар жасөспірімдердің денсаулығын нығайтуға қызмет етіп қана қоймай, оларды ұжым болып әрекет етуге үйретеді, ұжымшылдық пен өзара көмек рухын дамытады. Балалар жаңадан танысады, басқа ортада полиция инспекторларымен араласады, бұл өз кезегінде құқық бұзушылықтың алдын алу мәселелерін шешуге көмектеседі және тығыз байланыс орнатады, — дейді Жамбыл облысы Полиция департементі Жергілікті полиция қызметі басқармасының бастығы, полиция полковнигі Рахымберді Әшкеев.
Дереккөз: Жамбыл облысы Полиция Департаменті
