Астанада су технологиялары мен ресурстары бойынша I халықаралық «Global water» форумы өтті. Су ресурстары және ирригация министрлігінің қолдауымен ұйымдастырылған іс-шарада Нұржан Нұржігітов еліміздегі су саласын трансформациялау бағыттында жүргізіліп жатқан негізгі жұмыстар туралы баяндап берді.
Нұржан Нұржігітов «Global Water» халықаралық форумы аясында су технологиялары саласындағы отандық және шетелдік компаниялардың өкілдерімен кездесті.
Су ресурстары және ирригация министрі Нұржан Нұржігітов Испанияның Қазақстандағы елшісі Хорхе Урбиола Лопес де Монтенегромен кездесті. Тараптар жерасты суларын барлау саласындағы ынтымақтастық мүмкіндіктерін талқылады.
Нұржан Нұржігітов TEMELSU түрік компаниясының өкілдерімен кездесті. Кәсіпорын жобалау жұмыстарының барлық кезеңдерінде инженерлік-консультациялық қызмет түрлерін, инженерлік-геологиялық барлау, құрылыс кезінде авторлық және техникалық қадағалау қызметтерін көрсетеді.
2023 жылы трансшекаралық өзендердің мәселелері бойынша көршілес мемлекеттердің қатысуымен 20-дан астам іс-шара өтті.
2024 жылы су саласының 450-ден астам қызметкері мамандандырылған орталықтардың жанындағы біліктілік арттыру курстарынан өтеді. Бүгінгі таңда министрлік су саласы мамандарының біліктілігін арттыру қағидаларын әзірлеп жатыр.