«Нұр Отан» партиясы Жамбыл облыстық филиалында «Мирас» аймақтық кеңесінің кезекті отырысы өтті
«Нұр Отан» партиясы Жамбыл облыстық филиалы жанындағы «Мирас» аймақтық кеңесінің кезекті отырысында бес институттық реформаның «Біртектілік пен бірлік» бағытын жүзеге асыруға Жамбыл облысындағы қоғамдық ұйымдардың қосқан үлесі, бірлік пен тұрақтылықты сақтаудың өзекті мәселелері айтылды.
«Нұр Отан» партиясы Жамбыл облыстық филиалы төрағасының орынбасары Шәбден Тілеумұраттың төрағалығымен өткен басқосуға қоғам, мәдениет қайраткерлері, облыс әкімдігі ішкі саясат басқармасы мен облыс әкімі аппаратының «Қоғамдық келісім» коммуналдық мемлекеттік мекемесінің өкілдері, этно — мәдени бірлестік жетекшілері, үкіметтік емес ұйымдарының төрағалары, жасотандықтар қатысты.
Шараны ашып жүргізіп отырған Шәбден Тоқтасынұлы аталған кеңес партия мен мемлекеттік органдардың және азаматтық қоғам институттары арасындағы тиімді байланысты орнатуға бағытталған консультациялық орган ретінде қызмет атқаратындығын тілге тиек етіп, күн тәртібіне шығарылып отырған мәселенің маңыздылығына тоқталды.
Бұдан соң «Қоғамдық келісім» коммуналдық мемлекеттік мекемесінің директоры Рано Убайдуллаева хабарлама жасап, аймақта «Біртектілік пен бірлік» бағытында атқарылып жатқан жұмыстар туралы мәлімдеді.
Өңірде аталған бағыт бойынша 7 мың адамның қатысуымен 70 іс-шара өтіпті. Оның ішінде ең атап өтерлігі, Алғыс айту күні, Қазақстан халықтарының бірлігі күні, «Шын жүректен» керуені, Қазақстан халықтарының ұлттық ойындарының спартакиадасы, «ҚХА жастары – 2017» жастар және медиаторлар форумы, «Өлкеңді таны» атты тарихи- мәдени экспедициясы жоғары деңгейде ұйымдастырылған. Сондай-ақ хабарла- машы облыстағы этносаралық жағдай туралы да тілге тиек етті.
Бүгінде аймақта этнос және дінаралық келіспеушіліктер мүлде орын алмаған. Дегенмен мемлекеттік қызметте жұмыс жасайтындардың арасында өзге этнос өкілдерінің саны аз екен. Сонымен қатар кәсіпкерлік саласын- да да бұл мәселе кездесіп жатқан көрінеді. Бұдан өзге ол осы мәселе бойынша әлеуметтік сауалнама жүргізгендігін айтып, қорытындысын жеткізді. Яғни, сауалнама нәтижесі бойынша 90,8 пайыз азамат өздерін қазақстандық санайтындығын мақтаныш еткен. Сауалнамада аймаққа келіп жұмыс жасайтын Қырғыз Республикасы азаматтарымен арадағы қатынасты қалай бағалайтыны сұралып, 90,4 пайыз респондет ол қатынасты құп- тайтындығын білдірген. Рано Мақсұтқызы аталған мәселені жергілікті басқарушы орган басшылыққа алып, назарда ұстаса деген ұсынысын да жеткізді.
Шарада сіз тізгіндеген облыс әкімдігі ішкі саясат басқармасы басшысының орынбасары Дауыл Бейсенқұлов Ұлт жоспарының 4- бөлімінде нақты тәуелсіз толерантты қазақ елінде бірнеше этикалық топтардың еркін өмір сүріп жатқандығы, сондай-ақ Мәңгілік ел аясында патриотты қазақстандықты қалыптастыра отырып, елді ақпараттық технологиялармен толықтай қамтамасыз ету, білім сапасын одан жақсарту барысы баса айтылғандығын жеткізді. Елімізде этносаралық жағдай тұрақты екендігін айтып, мемлекетіміз әмбебап көпұлтты республика ретінде көптеген жетістіктерге жеткендігін сөз етті.
Сондай-ақ ол осы даму қарқынын жоғалтпау қажеттігін алға тартып, жалпы ұлттық идея қалыптасқанда және қоғам бірлікте болғанда мемлекет белсенді түрде дамитындығын баса айтты. Кеңес отырысына өзге де қатысушылардың пікірлері Мәңгілік ел жалпыұлттық идеясының төңірегінде тоғысып, барлық қазақстандықтарды біріктіретін халқы- мыздың таусылмас қуат көзі – бірлік екен дігін сөз етті.
