«Жол жүрісі қағидаларының» талаптарын өрескел бұзып, Қаскелең қаласының әкімшілік сотының 04.11.2019 жылғы қаулысымен ӘҚБтК-нің 608-бабының 3-бөлігімен кінәлі деп танылып, 5 (бес) жыл мерзімге көлік құралын басқару құқығынан айырылған адам бола тұра, 13.05.2023 жылы сағат 03:36 уақытта Тараз қаласы Қонаев көшесі №80 мекен-жайында орналасқан «BBQ» дәмханасы ішінен 300 грамм виски ішімдігін ішіп, «Merсedes-Benz 221» маркалы мемлекеттік тіркеу нөмері автокөлігімен дәмхананың тұрағында тұрақталып тұрған «Lada 21144 020-42» маркалы автокөлігімен соқтығысып, жол көлік оқиғасын жасап, көлік құралын бүлдірген. Алайда, сотталушы азаматша Қ.бұл іс- әрекетімен тоқтамай Қонаев көшесімен көлікті басқаруын жалғастырып, Тараз қаласы, Жансүгіров көшесі бойында орналасқан «Жеңіс» саябағы алдында, Тараз қаласы ПБ ППБ-нің қызметкерлерімен жол шетіне тоқтатылған. Жол көлік оқиғасының нәтижесінде жәбірленуші «Д.» азаматқа 300 000 теңге материалдық залал келтірілген. 13.05.2023 жылғы медициналық куәландырудың №2605 қорытындысына сәйкес сотталушы азаматша «Қ.» «орташа» дәрежеде алкогольдік масаң күйде болғандығы анықталған.
Сотталушы «Қ» Қазақстан Республикасының Қылмыстық Кодексінің 346-бабы 2-бөлігімен көзделген қылмыстық құқық бұзушылықты жасағаны үшін кінәлі деп танылсын және оған осы баппен өмір бойына көлік құралын басқару құқығынан айыра отырып, 4 (төрт) жылға бас бостандығынан айыру жазасы тағайындалсын. ҚК-тің 46-бабының 5-бөлігінің 2-тармағына сәйкес,сотталушыша жазаның өтелуі қылмыстық-атқару жүйесінің орташа қауіпсіз мекемесі белгіленсін. ҚК-нің 74-бабының 1-бөлігіне сай сотталған жазасының орындалуы бес жылға кейінге қалдырылсын. Жаза өтеу мерзімі үкім заңды күшіне енген күннен бастап есептелсін.
Заңды күшіне енген жоқ
