2022 жылдың 27 мамырында Жамбыл облысы Төтенше жағдайлар департаменті «Өрт сөндіру және авариялық-құтқару жұмыстары қызметі» мемлекеттік мекемесінің бөлімшелерімен Тараз қаласындағы Жамбыл филиалы «Казфосфат» ЖШС минералды тыңайтқыштар зауытындағы аммофос өндіру цехында шартты өртті сөндіру бойынша өрт-тактикалық оқу-жаттығу өткізілді.
Жаттығуға Тараз қаласы өртке қарсы қызмет бөлімшелері, Жедел- құтқару жасағынан барлығы 48 адам жеке құрам мен 8 дана техника, Апаттар медицинасы орталығынан 3 адам және 1 дана техника, Оңтүстік Қазақстан филиалы әскерилендірілген апаттан құтқару бөлімінен 13 адам жеке құрам мен 1 дана техника жұмылдырылды.
Жаттығу ойламасы бойынша Жамбыл филиалы «Казфосфат» ЖШС аммофос өндіру цехындағы құбырлардың шіруі салдарынан пайда болған саңылаудан аммиактың төгілу жағдайы орын алған.
Жамбыл облысы ТЖД Күштер мен құралдарды жедел басқару орталығының бағыттаушыларымен №2 жоғарғы шақыру бойынша аталған шақырту орнына Тараз қаласы гарнизонының өртке қарсы қызметінің
күштері мен құралдары жөнелтілді.
Оқиға орнында алғашқы медициналық пункт құрылды және өрт сөндіру штабының жұмысы ұйымдастырылды. Жағдайды жедел айқындау үшін штаб құрамына нысанның бас мамандары мен химиктері жұмылдырылды. Нысанның әкімшілігімен бірлесе отырып химиялық жағдайды бағалау, улы заттың мөлшері, атауы, залалдану ошағының шекарасы, таралу жолдарын анықтау, төгілген және ауаға таралған улы затты тоқтату жұмыстары жүргізіліп, химиялық зақымдалуға жол берілмеді.
Улы газдың таралу аймағын тоқтатуға барлығы 8 қол оқпаны қолданылды. Күшті әсер етуші улы заттың атомсфераға таралу аумағынгың радиуы 75 метрді құрады. Улы аумақтан зардап шеккен 2 адам құтқарылып, оларға алғашқы дәрігерге дейінгі медициналық көмек көрсетілді.
Бөлімшелер алдына қойған тапсырмаларды жетістікпен орындады, жаттығу нәтижесінде улану аумағы залалдандырылды. Жаттығудың соңында өткізілген оқу-жаттығу нәтижесі талқыланып ескертулер мен кемшіліктер қарастырылды.
Дереккөз: Жамбыл облысы ТЖД Өрт сөндіру және авариялық-құтқару жұмыстары қызметі