Жамбыл облысы əкімдігі ішкі саясат басқармасы «Өңірлік коммуникациялар қызметінің» ақпарат алаңында Меркі ауданының әкімі Мейірхан Азатұлы Өмірбековтің қатысуымен баспасөз конференциясы өтті. Мейірхан Азатұлы болашаққа бағдар: «Рухани жаңғыру» бағдарламасы аясында меркі ауданында атқарылған жұмыстар туралы баяндап, журналистердің сұрақтарына жауап берді.
Еліміздің Тұңғыш Президентінің 2017 жылғы 12 сәуірдегі халыққа «Болашаққа бағдар: рухани жаңғыру» атты мақаласы жолданған болатын. Осы мақала аясында елімізде бірталай жұмыстар атқарылды. Меркі ауданында осы мақала аясында атқарылып жатқан жұмыстар көлемі ауқымды.
«Жастар жылы» деп аталуына байланысты жастарды кәсіпкерлікке баулу мақсатында жыл басынан бері 8 семинар өткізілді. Аудан бойынша Грант алып өз кәсібін ашуға 340 жас тіркелген. Оның 31 жобасы комиссиямен іріктеліп, жобалалар зерделенуде.
2019 жылдың 1 мамырына ауданда дене шынықтыру және спортпен шұғылданушылар саны жалпы халықтан 29,3% құрады, бұл 24850 адам. Дене шынықтыру және спортпен шұғылданушылар саны 2018 жылдың аяғымен салыстырғанда 164 адамға ұлғайған.
Жалпы аудандағы жастар саны – 17952 (NEET жастар — 79. Мектеп оқушылары — 4370. Колледж студенттері – 810. (2018 жылы NEET жастар-79 жас, мектеп оқушылары-4173, колледж студенттері-679). Оның ішінде ерлер саны – 8620, қыз балалар – 9332.
Аудандық маңыздағы жолдардың жағдайын жақсарту мақсатында 2019 жылға 605575,6 мың теңге бөлінді. 50/50 бағдарламасына сәйкес ауылішілік 12 көше жолын жөндеуге, жалпы құны 199 450,7 мың теңге қарастырылды.
2019 жылдың қаңтар-сәуір айларында ауыл шаруашылығында жалпы өндірілген өнім көлемі 3 млрд. 260,4 млн. теңгені құрады. Нақты физикалық индекс көлемі 101,9% (2018 жылдың қаңтар-сәуір айларында 3 млрд. 212,0 млн. тг).
Аудан бойынша жалпы егістік жердің көлемі 100176 гектар, оның ішінде суармалы жер 20474 гектар.
2019 жылдың бірінші айналымына барлығы 20 жылыжай шаруашылығы 1,1486 гектар аумақты құрады.
2019-2021 жылдар аралығында аудан бойынша 4 дана су қоймаларын салу жоспарлануда. Атап айтқанда, Сұрат ауылдық округі, Тескентоған ауылының күн батыс жағында 1 дана, Жаңатоған ауылдық округі, Қызыл сай ауылының төмеңгі жағында 3 дана шағын су қоймасы. Жобамен 4 млн м3 су аққан жағдайда суғарылмай жатқан 1000 га егістік жерлерді қамтиды.
Кәсіпкерлікті қолдау картасы бойынша, жалпы құны 2 млрд. 374,2 млн. теңгені құрайтын 3 инвестициялық жоба жүзеге асырылды және 78 жаңа жұмыс орындар ашылды.
Кәсіпкерлік бойынша: 2019 жылдың қаңтар-сәуір айларында аудан көлемінде жұмыс істеп тұрған ШОК субъектілер саны 4841 (2018 жылы 4250).
Аудан бойынша негізгі капиталға салынған инвестиция көлемі: 2019 жылдың қаңтар-сәуір айларында инвестиция көлемі 2 млрд. 678,3 млн. теңгені құрап, 2018 жылдың сәйкес кезеңімен салыстырғанда нақты көлем индексі 2,6 есеге артты (2018 жылдың қаңтар-сәуір айларында 991,5 млн. теңгені құраған).
2019 жылдың қаңтар-сәуір айларының қорытындысы бойынша бөлшек сауда тауар айналымы 2 млрд. 121,8 млн. теңгені құрап, 2018 жылдың сәйкес кезеңімен салыстырғанда 143,0% құрады (2018 қаңтар-сәуір айларында 1 млрд. 400,8 млн. теңгені құраған).
Тұрғын үй құрылысы бойынша жалпы алаңы 9086 шаршы метр болатын жеке тұрғын үй пайдалануға беріліп, 116,4% құрады (2018 жылы 7806 шаршы метр).
Қазақ Дихан ауылындағы 120 орындық мектептің құрылысына 2018 жылы бюджеттен 100,0 млн. теңге бөлініп, толығымен игерілді. Мердігер мекеме «Андас-Груп» ЖШС. 2019 жылға бюджеттен 395,830 млн. теңге бөлініп, 159,0 млн. теңге игерілді. Нысан ағымдағы жылдың 1 қыркүйегінде пайдалануға беріледі деп жоспарлануда.
