Жамбыл облысында 47 мыңнан астам көпбалалы ана бар. Олардың 5 768-і «Алтын алқа», 11 683-і «Күміс алқа» иегері.
Жамбыл облысы әкіміның орынбасарларынан, аппарат басшысы орынбасарларынан әйел азаматшалары кездеспейді.
Қазіргі таңда екі басқарма басшысы, екі міндетін атқарушы әйелдер бар екен. Олар:
Басқарма басшылары:
Экономика және бюджеттік жоспарлау басқарма басшысы Сандуғаш Абдралиева. Басқарманың жұмысы тікелей қоғаммен болмаса да, бюджеттің дұрыс жоспарлауына тікелей жауапты және меритократия қағидасымен көтерілген басшы.
Мансабы:
Еңбек жолын Алматы экономика және статистика институтының Жамбыл облысындағы филиалының әдіскері болып бастаған.
Әр жылдары Жамбыл облысы әкімдігінің экономика басқармасының жетекші маманы, бас маман, экономика және бюджеттік жоспарлау басқармасының бас маманы, бөлім бастығы қызметтерін атқарған.
2014 жылғы қаңтардан бастап Жамбыл облысы әкімдігінің экономика және бюджеттік жоспарлау басқармасы басшысының орынбасары лауазымында еңбек етті. 2023 жылдың тамыз айынан бастап Жамбыл облысы әкімдігінің экономика және бюджеттік жоспарлау басқармасының басшысы қызметіне тағайындалды.
Ақпарат және қоғамдық даму басқарма басшысының міндетін атқарушы Құралай Өскембекова. Көпбалалы ана. Тура қазір өзі басшысы, өзі орынбасардың орнында жалғыз өзі қызмет атқаруда.
Мансабы:
2007-2009 жылдары Жамбыл облысы әкімдігі ішкі саясат басқармасы – «Қоғаммен жұмыс бөлімінің» жетекші маманы;
2009-2013 ж. — Жамбыл облысы әкімдігі ішкі саясат басқармасы – «Ақпараттық саясат және БАҚ мониторингі» бөлімінің бас маманы;
2013-2015 ж.Жамбыл облысы әкімдігі ішкі саясат басқармасы – «Ақпараттық саясат және БАҚ мониторингі» бөлімінің басшысы;
2015 -2020 ж. Тараз мемлекеттік педагогикалық университеті «Әлеуметтік-мәдени дамыту орталығының» басшысы;
2020 – 2021 ж. Тараз қаласы әкімінің кеңесшісі,
2021 жылдан бүгінгі күнге дейін Жамбыл облысы әкімдігі ақпарат және қоғамдық даму басқарма басшысының орынбасары
Білім басқармасы басшысының міндетін атқарушы Ләззат Қызылқұлова. Еңбек жолын педагогтан бастаған.
Мансабы:
Еңбек жолын 1995 жылы Қордай ауданы Бетқайнар ауылының Ы.Алтынсарин атындағы орта мектебінде бастаған.
1998-2000 жылдары — Тараз қаласының № 1 мектеп-гимназиясының мұғалімі;
2000-2001 жылдары — Маңғыстау облысы Ақтау қаласындағы № 13 мектеп-гимназиясының мұғалімі;
2001-2006 жылдары — Тараз қаласының №1 гимназиясының мұғалімі;
2006-2013 жж. — Тараз қ. № 1 гимназия директорының оқу-тәрбие жұмысы жөніндегі орынбасары;
2013-2022 жылдары — Тараз қаласының №1 гимназиясының директоры;
2022 жылдан 2024 жылға дейін Тараз қаласының білім бөлімінің №24 гимназиясының директоры болып жұмыс істеді;
2024 жылдың 20 наурыз күні Жамбыл облысы әкімдігі білім басқармасы басшысының орынбасары қызметіне тағайындалды.
Денсаулық сақтау басқарма басшысы Жанар Оспанова. Қазіргі уақытта еңбек жұмысына жарамсыздығы парағымен жұмыста болмай жүр. Денсаулық сақтау басқарма басшысы денсаулығын туралап қайта жұмысқа шығар деген үміттеміз.
Мансабы:
2009-2010 жылдары ОҚО Шардара аудандық орталық емханасында терапевт дәрігер.
2010-2013 жылдары ОҚО Шардара аудандық орталық емханасында бас дәрігердің емдеу ісі жөніндегі орынбасары.
2013-2017 жылдары ОҚО Шардара аудандық орталық емханасының бас дәрігері.
2017-2019 жылдары ОҚО Шардара аудандық орталық ауруханасының бас дәрігері.
2019-2020 жылдары Түркістан қалалық емханасының бас дәрігері.
2020-2021 жылдары алғашқы медициналық-санитарлық көмек «Салауатты Астана» ЖШС клиникасының директоры.
2021-2022 жылдары Меркі аудандық орталық ауруханасының бас дәрігері.
2022 жылдың 12 қазанынан бастап Жамбыл облыс әкімдігінің денсаулық сақтау басқармасының басшысы.
Мемлекеттік қызмет пен үйдің шаруасын бірге алып жүрген қыз — келіншектері turaninfo.kz ақпарат агенттігі «Халықаралық әйелдер күнімен» шын ниетпен құттықтаймыз.
