Жамбыл облысы әкімдігінің тілдерді дамыту басқармасының «Тілдерді оқыту орталығы» өңірдегі мемлекеттік және мемлекеттік емес ұйымдар, мекемелер, кәсіпорын қызметкерлеріне үш тілді (қазақ, орыс, ағылшын) оқытып-үйрету, мемлекеттік тілдің қолданыс аясын кеңейту бағытында жұмыс жүргізеді. Орталықта «ҚАЗТЕСТ» жүйесі мен латын негізді жаңа әліпбиді үйрету кабинеттері мен қазақ, орыс, ағылшын тілдерінің білікті, сертификатталған мамандары қызмет көрсетеді. Сонымен қатар, ересек тұрғындарға тегін мемлекеттік тілді үйрету үшін облыстың 8 ауданында (Байзақ, Жамбыл, Жуалы, Меркі Сарысу, Талас, Т.Рысқұлов, Шу) оқыту бөлімшелері және Қордай аудандық Тілдерді оқыту орталығы жұмыс істейді.
Мемлекеттік тілдің этносаралық қатынас тілі ретіндегі рөлін күшейту мақсатында ағымдағы жылы мемлекеттік тілді оқу курстарының санын арттырудың жол картасы әзірленіп, мемлекеттік тілді үйренушілер санын 4000 адамға жеткізу жоспарлануда. 2021 жылдың І жартыжылдығында мемлекеттік тілді үйрену курсынан 1436 тыңдаушы, 115 топ (83-мемлекеттік қызметші, сот саласы-30, 603-білім беру саласы, 49-медицина саласы, 11-мәдениет саласы, 178-әскери қызметкер, 12-банк қызметкері, 112-студент, 18-жекеменшік серіктестік, 52-мешіт имамдары, 77-әр түрлі сала азаматтары, 211-жұмыссыз азамат) тегін өтіп, оның ішінде 83 %-і (1192) өзге ұлт өкілдері қамтылды. 
Сонымен қатар, басқарма тарапынан әр тоқсан сайын сыбайлас жемқорлық тәуекелдеріне ішкі талдау жүргізудің талдамалық анықтамасы жүргізіледі, атап айтқанда сыбайлас жемқорлық тәуекелдеріне ішкі талдау жүргізудің үлгілік қағидаларының 8-тармағына сәйкес сыбайлас жемқорлық тәуекелдеріне ішкі талдаудың бағыты, басқарманың ұйымдастырушылық-басқарушылық қызметіндегі сыбайлас жемқорлық тәуекелдерін анықтау, мүдделер қақтығысын реттеу бойынша, мемлекеттік қызмет көрсету бойынша, рұқсат беру функцияларын іске асыру бойынша, бақылау функцияларын іске асыру бойынша, басқарманың ұйымдастырушылық-басқарушылық қызметінен туындайтын өзге де мәселелер бойынша және басқарманың қызметін қозғайтын нормативтік-құқықтық актілер, сондай-ақ басқармаға келіп түскен жеке және заңды тұлғалардың өтініштері бойынша талдамалық анықтама жасалынып, тиісті мекемеге жолданған.
Сыбайлас жемқорлық тәуекелдерін анықтау және жою мақсатында талдау жұмыстарын бірлесе жүргізу мақсатында Сыбайлас жемқорлыққа қарсы іс-қимыл агенттігінің Жамбыл облысы бойынша департаменті басшысының орынбасары Р.Қ. Төлебаевпен басқарманың сыбайлас жемқорлықтың алдын алу бағытындағы жұмыстар мен жоспарына талқылау өткізіліп, мемлекетттік қызметке алғаш қабылданатын адамдардың және мемлекеттік қызметтегі адамдардың кірістері мен мүлкі туралы салық декларациясын міндетті тапсыруын қамтамасыз ету мақсатында жыл сайын басқарманың барлық мемлекеттік қызметкерлері кірістері мен мүлкі туралы салық декларациясын тапсырып, тиісті есеп берілген.Сонымен қатар, «Ашық бюджеттердің Интерактивті картасы» жұмысын жандандыру мақсатында жауапты тұлға белгіленіп, картаға бюджеттерді 100% жариялау жұмыстары жүргізілген.
Материал Жамбыл облысы әкімдігінің ішкі саясат басқармасының тапсырысы бойынша дайындалды
