Жамбыл облысы Ішкі істер департаментінің аллеясында Мамандандырылған күзет кызметі басқармасының ұйымдастыруымен үздік қызметкерлерді марапаттау рәсімі өткізілді. Аталмыш шараға Мамандандырылған күзет кызметі басқармасының бастығы полиция полковнигі Б.Ратаев, МКҚБ бастығының орынбасары полиция подполковнигі Ж.Сулейменов, полиция полковнигі Д.Жиенбаев, МКҚБ ардагерлер кеңесінің төрағасы Ә.Кошкаров, ІІО-ның зейнеткерлері Е.Смайлов, Е.Абдрахманов, Е.Сагимбеков, И.Елубаев және барлық жеке құрам қатысты.
Салтанатты жиында өздерінің қызметтік міндеттерін адал атқарған, жұмыста жоғары жетістіктерге қол жеткізген 1-ші полиция батальонының полицейлері: Таласбаев Нұрғиса, Тулеуов Қуат, Раймов Олжас, Әзімхан Алихан, Тулеков Саттар, Абдибеков Сабит, Көпжанов Жанәділ басқарма бастығы атынан «Грамотамен» марапатталса, осы басқарманың полиция қызметкерлері Бейханов Даулет, Қыснақбаев Сайран, Жұмағұлов Ильяс, Рахжанов Марат, Тулебаев Дархан, Мейірбекұлы Ілиясқа «Алғыс» жарияланды.
МКҚБ басшылығы мен ардагерлер кеңесінің төрағасы Ә.Қошқаров полиция қызметкерлерін Ұлыстың ұлы күні — Наурыз мерекесімен құттықтап, әрдайым азаматтардың бостандығы мен мызғымас құқығын сақтауды қамтамасыз етудегі еңбектеріне толағай табыс тіледі.
Күзет қызметінің «Құрмет қарауыл» взводының қызметкерлері АКС атыс қаруымен шебер қолдану тәсілдері бойынша өнерлерін көрсетіп, салтанатты шеру Қазақстан Республикасы Ішкі істер министрлігінің №5513 әскери бөлімі оркестрінің дефиле көрсетілуімен аяқталды.
Жиынға қатысушы зейнеткерлер және жас қызметкерлер Жамбыл облысы МКҚБ ММ-нің әкімшілік ғимаратының ішінде орнатылған, қызмет бабында қайтыс болған қызметкерлерге арналған «Естелік қабырғасына» гүл шоқтарын қойып, тағзым етті. ІІО қызметкерлерін патриоттық, әскери, құқықтық және интернационалдық рухта тәрбиелеуге, олардың біліктілігін арттыруға, қызметтік және әскери борышты мүлтіксіз орындауды насихаттау мақсатында мұражай мен «Естелік қабырғасы» мен көрсетілді.
Іс-шара соныңда Жамбыл облысы МКҚБ полиция қызметкерлерімен мерекелік концерт ұсынылды.
Дуйсен Жиенбаев,
Жамбыл облысы МКҚБ ММ
бастығының орынбасары
полиция полковнигі
