„Жамбыл облысы әкімдігінің ветеринария басқармасының Сарысу ауданының ветеринариялық станциясы“ ШҚҚКМК-де мал дәрігері Қазақстан Республикасының Әкімшілік құқық бұзушылық туралы Кодексінің (ары қарай — ӘҚБтК) жазаға тартылғанын біле тұра, қайта масаң күйде автокөлік басқарғанын хабарлайды “TURANINFO.KZ” ақпарат агенттігі.
Сарысу аудандық сотында мал дәрігер, сотталушы Жамбыл облысы Сарысу аудандық сотының 01 ақпан 2018 жылғы қаулысымен Қазақстан Республикасының Әкімшілік құқық бұзушылық туралы Кодексінің (ары қарай — ӘҚБтК) 608- бабының 3-бөлігімен әкімшілік жазаға тартылып, бес жыл мерзімге көлік құралын жүргізу құқығынан айырылған тұлға бола тұра, 2022 жылы 4 тамызда сағат 13:00 шамасында «Ваз 21213» маркалы автокөлігін алкогольдік масаң күйде Жамбыл облысы, Сарысу ауданы, Тоғызкент ауылы, Жамбыл көшесінен Тоғызкент – Саудакент тас жолына дейін басқарған.
2022 жылдың 4 тамызда түс кезінде сағат 13:30 шамасында соталушы басқарған және автокөліктін ішінде Тоғызкент ауылдың тұрғындары «Мақпал және Айдар» есімді тұлғалар отырған. Содан сотталушыдан құжаттарын сұрағанында, оның ауызынан спирттік ішімдік иісі шығып тұрғанын байқап қалған. Содан кейін полиция қызметкері сотталушыны көлікке отырғызып, Жаңатас қаласында орналасқан Сарысу аудандық орталық ауруханасына барған. Сөйтіп, Сарысу аудандық орталық ауруханысының 04.08.2022 жылғы №381 куәландырудың қорытындысына сай, сотталушы алкогольдік масаң күйде «орта» дәрежесі анықталған, бірақ ол сараптама нәтижесімен келіспей, қол қоюдан бас тартқан, сол себептен акт толтырылған. Одан бөлек сотталушы соттылығын тексеру кезінде 01.02.2018 жылы Сарысу аудандық сотымен ӘҚБТК-нің 608-бабының 3- бөлігімен 5 жыл мерзімге көлік жүргізу құқығынан айырылғаны анықталған.
Сотталушы кінәсін толық мойындап, бұрын көлік жүргізу құқығынан айырылған тұлға бола тұра, 2022 жылғы 4 тамызда 13:00 шамасында өзіне тиесілі мемлекеттік белгісі „Нива“ маркалы автокөлігін масаң күйінде басқарғанын растап, әрекетіне өкінетінін көрсетіп, отбасылық жағдайын, асырауында 94 жастағы қарт әкесі болуын, өзінің тұрақты жұмыс бар екенін ескеріп, жеңіл жаза қолдануды сұраған.
Сотталушы „Жамбыл облысы әкімдігінің ветеринария басқармасының Сарысу ауданының ветеринариялық станциясы“ ШҚҚКМК-де мал дәрігері Қазақстан Республикасы Қылмыстық Кодексінің 346-бабының 1-бөлігімен кінәлі деп танылып, оған өмір бойына көлік құралын жүргізу құқығынан айыра отырып, 200 (екі жүз) айлық есептік көрсеткіш мөлшерінде, яғни 612600 (алты жүз он екі мың алты жүз) теңге айыппұл салынды. Сот үкімі заңды күшіне енді.
