Отырысқа Мәдениет және ақпарат вице-министрі Данияр Қадыров қатысып, ол қазіргі уақытта қоғамдық кеңестердің халықты толғандыратын мәселелер бойынша қоғамдық консультациялар өткізу тәжірибесі енгізіліп жатқанын хабарлады. Осыған байланысты, уәкілетті орган кәсіби сарапшылармен бірлесіп қоғамдық консультацияларды ұйымдастыру және өткізу бойынша ұсынымдар әзірледі.
Отырыс барысында Қоғамдық кеңес мүшелері Ақпарат комитетінің төрағасы Мейірлан Рахановтың ақпараттық кеңістікті қажетсіз контенттен қорғау бойынша қабылданып жатқан шаралар туралы ақпаратын тыңдалды. Сондай-ақ, Азаматтық қоғамды дамыту тұжырымдамасын іске асыру нәтижелері туралы Азаматтық қоғам істері комитеті төрағасының міндетін атқарушы Г.Б. Сұлтанова хабардар етті.
Азаматтық қоғамды дамыту тұжырымдамасын іске асыру нәтижелерін талқылаудан кейін Қоғамдық кеңес мүшесі «Ақтөбе облысы медиаторлар кеңесі» қоғамдық бірлестігінің Алишер Мажит мемлекетік әлеуметтік тапсырыс кезінде жұмыс өтілін есептелмейтідігі, әлеуметтік жобалар баға ұсынымдар мен ашық конкурстар арқылы ойнатылып жүрген туралы сауал қойды.
Кеңес мүшелері талқылау қорытындысы бойынша ұсынымдар жобасына өз ұсыныстарын берді.
Кеңес отырысы уәкілетті органның бастамасымен арнайы жабдықталған қоғамдық кеңестер үшін бірыңғай конференц-залда ұйымдастырылды. Осы залда алдағы уақытта Астана қаласында орналасқан барлық қоғамдық кеңестер кездесулер, отырыстар, кеңестер өткізе алады.
