Атап айтсақ, Мойынқұм ауданында 43-83 жас аралығындағы тұрғындар арасында 6 симптомдық жағдай, Тараз қаласында 1972, 1965 жылдары туған тұрғындар арасында 2 жағдай, Қордай ауданында 2014, 1993 жылдары туған тұрғындар арасында 2 жағдай анықталды. Барлық науқастар әлсіздікке, дәм мен иістің жоғалуына, температураның жоғарылауына, ентігу, жөтелге қатысты шағыммен, өздігінен тексеруден өткен.
Симптомдық тасымалдаушылар жұқпалы аурулар мен уақытша ауруханаларда ем алуда.
Олармен байланыста болған тұлғалар карантинге оқшауланды. Ошақтарда қорытынды дезинфекция жүргізілді.
Сондай-ақ, өткен тәулікте Таразда 1969, 1992, 1991 жылы туған тұрғындар арасында 3, Байзақ ауданында 1962, 1959, 1971 жылждары туған тұрғындар арасында 3 симптомсыз жағдай тіркелді. Қордай ауданында 1992 жылы туылған тұрғыннан және жаңа туған нәрестеден ауру белгілерінсіз коронавирус табылса, Мойынқұм ауданында 10 жастағы мектеп оқушысы мен 9 айлық бала дертке шалдыққан. Ол инфекцияны туыстарынан жұқтырған.
Олардың барлығы үй карантиніне алынды.
Жалпы, ағымдағы жылдың 9 тамызындағы жағдай бойынша Жамбыл облысында коронавирустық инфекцияның 3889 жағдайы тіркелген, оның 3144-і емделіп, ауруханалардан шығарылды.\
