Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаменті мен облыс әкімдігінің білім басқармасы тарапынан бірлесе облыс аумағындағы кәсіптік және техникалық білім беру мекемелерінде 2018-2019 оқу жылының гранттарын бөлу жағдайына қоғам тарапынан бақылау жасауға ықпал ету жұмыстары қолға алынды.
Ағымдағы жылдың 1 және 27 тамызы аралығында колледждерде емтихандар, конкурстар және әңгімелесу жолымен оқу гранттарын бөлу жұмыстары жүргізілуде. Аталған жұмыстар барысында сыбайлас жемқорлық тәуекелдері орын алмай, гранттардың әділ бөлінуі қоғам тарапынан бақылау жасауды қажет етеді. Осыған орай, Департамент жанынан құрылған Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының іске асырылуына сыртқы талдау және бағалау жөніндегі Арнайы мониторингтік топ мүшелері байқаушы ретінде жұмылдырылуда.
Сонымен қатар, облысымыздағы өзге де қоғам белсенділері, журналистер, жалпы сыбайлас жемқорлық көріністеріне бей-жай қарамайтын кез келген азамат оқу гранттарын үлестіру барысына байқаушы ретінде қатыса алады. Тек, аталған шараға қатысушылар оқу гранттарына үміткерлердің туыстары немесе өкілдері болмауы тиіс.
Колледждердегі оқу гранттарының бөліну барысына байқаушы ретінде қатысуға тілек білдірген азаматтар Департаменттің сыбайлас жемқорлық профилактикасы басқармасына өтініш жасауына болады. Мекен-жайымыз: Тараз қаласы, Рысбек батыр қиылысы, 8а, тел. 43-88-19.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаменті
