Бизнес-қауымдастықпен өзара іс-қимыл шеңберінде, облыс прокуратурасы кәсіпкерлердің құқықтарын мемлекеттік органдардың заңсыз іс-әрекеттерінен қорғау, сондай-ақ олардың құқықтары мен заңды мүдделерін уақтылы қалпына келтіру бойынша тұрақты жұмыс жүргізуде.
2021 жылдың сәуір айында Т.Рысқұлов ауданының прокуратурасына «Меркі жолдары» ЖШС-нің директоры Т.Рысқұлов ауданы әкімдігінің тұрғын-үй коммуналдық шаруашылық бөлімінің басшысы М.Дауытбековтың мемлекеттік сатып алу саласында 10 млн теңге соммасындағы кепілдік жарнаны ұзақ жылдар бойы қайтармай келе жатқандығы туралы шағыммен жүгінген.
Тексеру барысында дәл осындай бұзушылықтар 39 кәсіпкерге қатысты 40 млн теңгеден астам қаражат қайтарылмағаны анықталды.
Аталған факті аудандық прокуратурамен ҚК-тің 189-бабының 4-бөлігі 2-тармағы (сеніп тапсырылған бөтен мүлікті иемдену немесе талан-таражға салу) бойынша СДТБТ-ға тіркеліп, арнайы прокурорлармен сотқа дейінгі тергеп-тексеру басталған.
Тергеу барысында бизнес субъектілеріне келтірілген залал өтелді.
19.05.2022 жылғы аудандық соттың үкімімен Т.Рысқұлов ауданы әкімдігінің тұрғын-үй коммуналдық шаруашылық бөлімінің басшысы М.Дауытбеков ҚК-тің 189-бабы 4-бөлігінің 2-тармағы бойынша кінәлі деп танылып, өмір бақи белгілі бір қызметпен айналысу құқынан айыра отырып 7 жылға бас бостандығынан айырылды.
Сот үкімі заңды күшіне енген жоқ.
Дереккөз: Жамбыл облысының прокуратурасы
