Бұл сөзімізге жұмысшы мамандықтар жылына орай өңірдегі кәсіптік және техникалық білім беру мекемелерінің инфрақұрылым, өнеркәсіп және қызмет көрсету салаларын жаңа деңгейге көтеруге бағытталған инвестиция тартудағы нақты қадамдары дәлел. Бүгінде өңірде жүзеге асырылып жатқан 62 инвестициялық жоба аясында шамамен 6 мыңға жуық білікті маман қажеттілігі анықталған. Бұл қажеттілікті өтеу үшін Жамбыл облысының техникалық және кәсіптік білім беру мекемелерінің әлеуетін барынша тиімді пайдалану көзделуде. 2025 жылы облыстағы 42 колледжді 7020 түлек тәмамдайды, оның ішінде 3880-і мемлекеттік білім беру тапсырысы негізінде білім алғандар. Бұл — инвесторлық жобаларға сапалы кадрлар ұсынуға үлкен мүмкіндік. Осы орайда, облыс әкімдігі мен білім басқармасы колледждер мен инвесторлар арасындағы өзара байланысты күшейтіп, нақты жобаларға бағытталған кадр даярлау ісін қолға алуда. Қытайдың Yonggang Group Co., Ltd және Fufeng Group Limited компаниялары 2025–2027 жылдар аралығында 1500 жаңа жұмыс орнына сұраныс білдірген. Бұл қажеттілікті өтеу үшін Қордай және Шу аудандарында шетелдік колледж филиалдарын ашу жұмыстары басталды. Сондай-ақ, Жаңатас қаласында орналасқан «QAZAQ SODA» және «ЕвроХим-Каратау» компаниялары тарапынан ашылатын 1000-ға жуық жаңа жұмыс орны №11 Сарысу және Жаңатас көпсалалы колледждерімен білім беру бағдарламалары өндіріс сұранысына сай жаңартылып, студенттер өндірістік тағылымдамадан өтуге мүмкіндік алады. Қаратау қаласында «Talas Investment Company» және «Жамбыл-Недр» компаниялары, «Казфосфат» «Шолақтау» тау-кен кешені колледж қамқорлығына алынып, өндірістік зертхана базасында құзыреттілік орталығы ашылды. Бұл жерде 30 студент мақсатты тапсырыс бойынша білім алуда. Аталған бастамалар Жамбыл өңірінде жұмысшы мамандықтарға деген көзқарастың түбегейлі өзгергенін көрсетеді. Енді колледж түлектері тікелей өндірістік жобалармен байланысты маман болып даярланады. Бұған дәлел ретінде Тараз қаласындағы Жамбыл политехникалық жоғары колледжі базасында ашылатын «Knauf» орталығын айтуға болады. Бұл орталық колледждің материалдық-техникалық базасын нығайтып, студенттерге жаңа тәжірибелік алаң ұсынады. Жамбыл облысында техникалық және кәсіптік білім беру жүйесі инвесторлармен тығыз байланыс орнатып, еңбек нарығының сұранысына толық жауап беретін сапалы мамандар даярлауға бағыт алып отыр. Бұл бастамалар жастардың болашағына, өңірдің дамуына және ел экономикасының нығаюына үлкен үлес қосатыны сөзсіз.
Жамбыл облысы Білім басқармасы
